ரியல்மி நிறுவனம் அதன் புத்த சூப்பர் பட்ஜெட் ஸ்மார்ட்போன் ஆன ரியல்மி சி11 மாடலை கூடிய விரைவில் அறிமுகம் செய்யப்போவதாக வெளிப்படுத்தியது. இப்போது, இந்த பிராண்ட் வரவிருக்கும் ஸ்மார்ட்போனின் அறிமுக தேதியை உறுதிப்படுத்தியுள்ளது.
புதிய ரியல்மி சி 11 ஸ்மார்ட்போன் ஜூன் 30 ஆம் தேதி அறிமுகம் செய்யப்படும் என்று ரியல்மி உறுதிப்படுத்தியுள்ளது.
இது மீடியா டெக் ஹீலியோ ஜி 35 ப்ராசஸர் மூலம் இயங்கும் முதல் ஸ்மார்ட்போன் என்றும் இந்த பிராண்ட் கூறுகிறது. முன்னதாக சியோமி நிறுவனாத்தின் ரெட்மி 9சி ஸ்மார்ட்போன் தான் லேட்டஸ்ட் ஹீலியோ ஜி 35 ப்ராசஸரை ஆதரிக்கும் முதல் ஸ்மார்ட்போன் ஆக வெளியாகும் என்று வதந்தி பரவியது, ஆனால் அந்த இடத்தை ரியல்மி நிறுவனம் பற்றிக்கொண்டது போல் தெரிகிறது.
ரூ.12,840 என்கிற விலைக்கு சம்பந்தமே இல்லாத வேற லெவல் போன் அறிமுகம்!
இதற்கிடையில், வரவிருக்கும் ரியல்மி சி11 ஸ்மார்ட்போனின் சில ரெண்டர்கள் மற்றும் முக்கிய விவரக்குறிப்புகள் ஆன்லைனில் கசிந்துள்ளன. வெளியான ரெண்டர்களின் படி, ரியல்மி சி11 ஸ்மார்ட்போ ஊதா மற்றும் பச்சை வண்ண விருப்பங்களில் வாங்க கிடைக்கும்.
இந்த ஸ்மார்ட்போனில் 5000 எம்ஏஎச் பேட்டரி பேக் செய்யப்படும், மேலும் இது 6.5 இன்ச் அளவிலான மினி-டிராப் டிஸ்ப்ளேவுடன் வரும். உடன் இதில் டூயல் கேமரா அமைப்பு இடம்பெறும் என்பதையும் வெளியான ரெண்டர் வெளிப்படுத்துகிறது.
ரியல்மி சி11 ஸ்மார்ட்போன் 2 ஜிபி ரேம் மற்றும் 32 ஜிபி உள் சேமிப்புடன் கிடைக்கும் என்றும் கூறப்படுகிறது. கேமரத்துறையை பொறுத்தவரை, இதில் 13 மெகாபிக்சல் பிரைமரி லென்ஸ் மற்றும் 2 மெகாபிக்சல்டெப்த் சென்சார் இடம்பெறும் என்று கூறப்படுகிறது, தற்போது வரையிலாக இதன் முன்பாக கேமரா குறித்த விவரங்கள் இல்லை.
ரியல்மி சி11 ஸ்மார்ட்போன் ஆனது இந்தியாவில் ரூ.9,999 என்கிற பட்ஜெட் விலையின் கீழ் அறிமுகமாகலாம் என்று நம்பப்படுகிறது. இருப்பினும் தற்போது வரையிலாக மலேசிய அறிமுகம் மட்டுமே உறுதிசெய்யப்பட்டுள்ளது, இதன் இந்திய வருகை குறித்த எந்த தகவலும் இல்லை. ஒருவேளை நீங்கள் சில சுவாரசியமான அம்சங்களை கொண்ட பட்ஜெட் ஸ்மார்ட்போனை வாங்க விரும்பினால் ரியல்மி சி11 மாடலுக்காக தாராளமாக காத்திருக்கலாம்.
ரூ.16,999க்கு வேற என்ன வேணும்? மிரட்டும் மோட்டோரோலா; இன்று முதல் விற்பனை!
இதற்கிடையில், ரியல்மி நிறுவனம் அதன் புதிய ஸ்மார்ட்போன்களான ரியல்மி எக்ஸ் 3, ரியல்மி எக்ஸ் 3 சூப்பர்ஜூம் மற்றும் புதிய இயற்பட்ஸ் ஆன ரியல்மி பட்ஸ் கியூ ஆகியவற்றை ஜூன் 25 ஆம் தேதி இந்தியாவில் அறிமுகம் செய்யவுள்ளது. இந்த ஆன்லைன் வெளியீட்டு நிகழ்வு 12:30 PM IST முதல் நிறுவனத்தின் சமூக ஊடக தளங்கள் மற்றும் யூடியூப் சேனல் வழியாக ஸ்ட்ரீம் செய்யப்படும்.
