ஏர்டெல் நிறுவனம் அதன் போஸ்ட்பெய்ட் வாடிக்கையாளர்களுக்கு 2 ஸ்மார்ட்போன்களை வாங்குவதின் மீதான சலுகைகள் அறிவிக்கப்பட்டுள்ளது. என்னென்ன மாடல்கள், என்ன சலுகை, இதோ முழு விவரங்கள்.
பாரதி ஏர்டெல் தனது வாடிக்கையாளர்களுக்கு அறிவிக்கும் புதிய சலுகைகளுக்கும் நன்மைகளுக்கும் கொஞ்சம் கூட இடைவெளி கொடுப்பதாய் தெரியவில்லை. இப்போது இந்த டெலிகாம் நிறுவனம் ஆப்பிள் நிறுவனத்துடன் கூட்டு சேர்ந்து புதிய ஐபோன் வாங்கும் போது அதன் வாடிக்கையாளர்களுக்கு தள்ளுபடிகளை அறிவித்துள்ளது.
பொதுவாக ஐபோன்கள் மிகவும் விலை உயர்ந்தவை, ஆகையால் அவற்றில் கிடைக்கும் எந்தவிதமான தள்ளுபடியும் நாம் ஒரு போனஸை பெறுவது போல் உணர வைக்கும். அப்படியாக ஏர்டெல் போஸ்ட்பெய்ட் வாடிக்கையாளர்களுக்கு புதிய ஐபோன்களை வாங்கும் போது போனஸ் கிடைக்கவுள்ளது.
இந்த சிறப்பு தள்ளுபடி சலுகை ஆன்யு ஐபோன் 11 மற்றும் ஐபோன் எக்ஸ்ஆர் ஆகிய இரண்டு ஐபோன் மாடல்களுக்கு மட்டுமே பொருந்தும். இந்த சலுகை இந்தியாவின் எந்தப் பகுதியிலும் வாழும் அனைத்து ஏர்டெல் போஸ்ட்பெய்ட் உறுப்பினர்களுக்கும் கிடைக்கிறது.
ஏர்டெல் ஐபோன் தள்ளுபடி சலுகைக்கான விதிமுறைகள் மற்றும் நிபந்தனைகள்:
தகுதிவாய்ந்த ஒவ்வொரு வாடிக்கையாளருக்கும், புதிய ஐபோன் எக்ஸ்ஆர் அல்லது ஐபோன் 11 வாங்கும்போது குறைந்தபட்சம் ரூ.3,400 என்கிற தள்ளுபடி கிடைக்கும். இந்த சலுகையை தேர்ந்தெடுக்கப்பட்ட சில்லறை கடைகளான க்ரோமாவில் பெறலாம் மற்றும் ஆப்பிள் யூனிகார்ன் ஸ்டோர்களில் வாங்கலாம்.
ஏர்டெல்லின் இந்த புதிய சலுகை இன்று முதல் செல்லுபடியாகும், அதாவது ஜூலை 15 முதல் தொடங்கி ஆகஸ்ட் 10, 2020 வரை நீடிக்கும் என்பதும் குறிப்பிடத்தக்கது.
இந்த தள்ளுபடியானது வேறு எந்த வங்கியின் கிரெடிட் அல்லது டெபிட் கார்டு வழங்கும் தள்ளுபடிக்கு மேல் இருக்கும் என்பதும் குறிப்பிடத்தக்கது.
எனவே புதிய ஐபோன் எக்ஸ்ஆர் வாங்கும்போது உங்களுக்கு ரூ.3,600 என்கிற தள்ளுபடி பொருந்தும் மற்றும் புதிய ஐபோன் 11 வாங்கும்போது ரூ.3,400 என்கிற தள்ளுபடி கிடைக்கும். இந்த சலுகை ஒரு வாடிக்கையாளருக்கு ஒரு முறை மட்டுமே செல்லுபடியாகும் என்பதையும் நினைவில் கொள்ள வேண்டும்.
இந்த தள்ளுபடி சலுகையைப் பயன்படுத்த, வாடிக்கையாளர்கள் தங்கள் ஏர்டெல் தேங்க்ஸ் ஆப்பில் இருந்து கூப்பனைப் பெறலாம். ஆப்பில், வாடிக்கையாளர் வெறுமனே கூப்பனைக் கண்டுபிடித்து பின்னர் ‘Claim Now’ என்பதைக் கிளிக் செய்ய வேண்டும்.
அதன்பிறகு, சலுகையைப் பெறுவதற்கு வாடிக்கையாளர் தனது எண்ணை ஆப்பிள் நிறுவனத்துடன் பகிர்ந்து கொள்ள ஒப்புக் கொள்ள வேண்டும், பின்னர் ‘Proceed’ என்பதைக் கிளிக் செய்யவும், அவ்வளவுதான். இந்த சலுகைக் குறியீட்டை மாற்ற முடியாதது, எனவே புதிய ஐபோனை தள்ளுபடி விலையின் கீழ் வாங்க இதை உங்கள் நண்பர் அல்லது குடும்பத்தினருக்கு கொடுக்க முடியாது.
வாங்கும் நேரத்தில் வாடிக்கையாளர் ஏர்டெல் போஸ்ட்பெய்டின் ஆக்டிவ் சந்தாதாரராக இல்லாவிட்டால் கூப்பன் குறியீடு இயங்காது. முன்னரே குறிப்பிட்டபடி இந்த சலுகை 2020 ஆகஸ்ட் 10 வரை மட்டுமே செல்லுபடியாகும்.
