விவோ எக்ஸ் 50 மற்றும் விவோ எக்ஸ் 50 ப்ரோ ஸ்மார்ட்போன்களின் இந்திய விலை, விற்பனை தேதி, சலுகைகள் மற்றும் அம்சங்கள் பற்றிய முழு விவரங்கள் இதோ…
விவோ நிறுவனத்தின் லேட்டஸ்ட் ஸ்மார்ட்போன்களான விவோ எக்ஸ் 50 மற்றும் விவோ எக்ஸ் 50 ப்ரோ மாடல்கள் இந்தியாவில் அறிமுகம் செய்யப்பட்டுள்ளன. இந்த இரண்டு புதிய மாடல்களும் ஹோல்-பஞ்ச் டிஸ்ப்ளேவுடன் வந்துள்ளன, மேலும் 3D சவுண்ட் டிராக்கிங், ஆடியோ ஜூம் மற்றும் சூப்பர் நைட் மோட் 3.0 போன்ற அம்சங்களையும் உள்ளடக்கி உள்ளது.
விவோ எக்ஸ் 50 மற்றும் விவோ எக்ஸ் 50 ப்ரோ ஆகிய இரண்டுமே இன்-டிஸ்ப்ளே கைரேகை சென்சாருடன் வருகின்றன. இரண்டிற்கும் உள்ள முக்கிய வேறுபாட்டின் ஒரு பகுதியாக, விவோ எக்ஸ் 50 ப்ரோ ஒரு தனியுரிம கிம்பல் கேமரா சிஸ்டத்தை பேக் செய்கிறது, இது தெளிவான ஸ்டில் படங்கள் மற்றும் வீடியோக்களைப் பிடிக்க உதவுகிறது. மேலும் இந்த ப்ரோ மாடலில் கர்வ்டு டிஸ்பிளே வடிவமைப்பையும் கொண்டுள்ளது.
இந்தியாவில் விவோ எக்ஸ் 50, விவோ எக்ஸ் 50 ப்ரோ ஸ்மார்ட்போனின் விலை & அறிமுக சலுகைகள்:
விவோ எக்ஸ் 50 ஸ்மார்ட்போனின் 8ஜிபி + 128 ஜிபி ஸ்டோரேஜ் வேரியண்ட் ஆனது ரூ.34,990 க்கும், இதன் 8 ஜிபி +256 ஜிபி ஸ்டோரேஜ் ஆப்ஷன் ஆனது ரூ.37,990 க்கும் அறிமுகமாகி உள்ளது. மறுகையில் உள்ள விவோ எக்ஸ் 50 ப்ரோ மாடலானது 8ஜிபி + 256 ஜிபி சேமிப்பு மாறுபாட்டின் கீழ் ரூ.49,990 க்கு அறிமுகமாகி உள்ளது.
விவோ எக்ஸ் 50 ஃப்ரோஸ்ட் ப்ளூ மற்றும் க்லேஸ் பிளாக் கலர் விருப்பங்களைக் கொண்டுள்ளது, அதே நேரத்தில் விவோ எக்ஸ் 50 ப்ரோ ஆல்பா கிரே என்றும் ஒற்றை வண்ண விருப்பத்தின் கீழ் மட்டுமே வருகிறது.
இந்த இரண்டு ஸ்மார்ட்போன்களும் ஜூலை 24 முதல் வாங்கு கிடைக்கும் மற்றும் இவைகளின் முன்பதிவு இன்று ஆஃப்லைன் மற்றும் ஆன்லைன் சில்லறை விற்பனையாளர்களான ரிலையன்ஸ் டிஜிட்டல், குரோமா, பிளிப்கார்ட், அமேசான், விஜய் சேல்ஸ், பேடிஎம் மால் மற்றும் டாடா க்ளிக் ஆகியவைகளின் வழியாக திறந்திருக்கும்.
விவோ எக்ஸ் 50 மற்றும் எக்ஸ் 50 ப்ரோ மீதான வெளியீட்டு சலுகைகளை பொறுத்தவரை, எச்.டி.எஃப்.சி வங்கி மற்றும் ஐ.சி.ஐ.சி.ஐ வங்கி அட்டைதாரர்களுக்கு ரூ.4,000 கேஷ்பேக் கிடைக்கும். மேலும், விவோ ரிவார்ட் மற்றும் அப்கிரேட் அப்ளிகேஷனின் கீழ் 65 சதவிகிதம் வரை Buyback உறுதி செய்யப்பட்டும்.
விவோ நிறுவன புதிய விவோ எக்ஸ் 50 மற்றும் எக்ஸ் 50 ப்ரோ ஸ்மார்ட்போன்களுடன் சேர்த்து விவோ டி.டபிள்யூ.எஸ் நியோ எனும் ட்ரூவயர்லெஸ் இயர்பட்ஸையும் ரூ.5,990 க்கு அறிமுகம் செய்துள்ளது.
விவோ எக்ஸ் 50 மற்றும் எக்ஸ் 50 ப்ரோ ஸ்மார்ட்போன்களின் அம்சங்கள்:
- 6.56 இன்ச் முழு எச்டி+ சூப்பர் அமோலேட் டிஸ்ப்ளே
- பஞ்ச்-ஹோல் கட்அவுட் வடிவமைப்பு
- 90 ஹெர்ட்ஸ் ரெஃப்ரெஷ் ரேட் வீகிதம்
- ப்ரோ மாடலில் கூடுதலாக HDR10 + ஆதரவு உள்ளது
- ஸ்னாப்டிராகன் 765 ஜி SoC ப்ராசஸர்
- 8 ஜிபி ரேம் மற்றும் 128 ஜிபி / 256 ஜிபி சேமிப்பு விருப்பங்கள்
- ஆண்ட்ராய்டு 10 அடிப்படையிலான ஃபன்டூச் ஓஎஸ்
- 5 ஜி ஆதரவு
- 4 ஜி எல்டிஇ
- டூயல்-பேண்ட் வைஃபை
- ப்ளூடூத் 5.0
- ஜிபிஎஸ்
- என்எப்சி
- யூ.எஸ்.பி டைப்-சி போர்ட்
- AI க்வாட்-கேமரா அமைப்பு
- 48 எம்பி சோனி ஐஎம்எக்ஸ் 598 முதன்மை சென்சார்
- 13 எம்பி சாம்சங் எஸ் 5 கே 3 எல் 6 லென்ஸ்
- 8 எம்பி ஓம்னிவிஷன் ஓவி 08810 டெலிஃபோட்டோ லென்ஸ்
- 8 மெகாபிக்சல் ஹைனிக்ஸ் ஹை 846 அல்ட்ரா-வைட்-ஆங்கிள் லென்ஸ்
- 32 எம்.பி சாம்சங் ஜிடி 1 சென்சார் செல்பீ கேமரா
- போட்டோ படம் மற்றும் வீடியோ உறுதிப்படுத்தலுக்கான கிம்பல் சிஸ்டம்
- பாதுகாப்புக்காக இன்-டிஸ்ப்ளே கைரேகை சென்சார்
- ஏ.கே .4377 ஏ ஹை-ஃபை ஆடியோ சிப்
- விவோ எக்ஸ் 50 ஆனது 4,200 எம்ஏஎச் பேட்டரியைக் கொண்டுள்ளது
- விவோ எக்ஸ் 50 ப்ரோ ஆனது 4,315 எம்ஏஎச் பேட்டரி யூனிட்டைக் கொண்டுள்ளது
- இரண்டுமே 33W ஃபாஸ்ட் சார்ஜிங்கை ஆதரிக்கின்றன.
