தமிழ்நாடு மற்றும் புதுச்சேரியில் 11ம் வகுப்பு பொதுத்தேர்வு இன்று காலை தொடங்கியது.
முதல்நாளான இன்று தமிழ், பிரெஞ்சு, இந்தி, உருது, தெலுங்கு உள்ளிட்ட மொழிப்பாடங்களுக்கு தேர்வுகள் நடைபெற்று வருகின்றன.
தேர்வை மொத்தம் 8 லட்சத்து 32 ஆயிரத்து 475 பேர் எழுதுகின்றனர்.
தேர்வையொட்டி 3,016 தேர்வு மையங்கள் அமைக்கப்பட்டுள்ளன.
இது கடந்த ஆண்டை விட 116 மையங்கள் அதிகமாகும். தேர்வு எழுதும் மாணவர்களுக்கு முதல் 10 நிமிடங்கள் வினாத்தாளை வாசிக்கவும், அடுத்த 5 நிமிடங்கள் தேர்வுக்கூட நுழைவுச்சீட்டு மற்றும் சுயவிவரங்கள் சரிபார்க்கவும் தரப்பட்டுள்ளது.
சிறப்பு சலுகையாக மாற்றுத்திறனாளிகளுக்கு மட்டும் ஒருமணி நேரம் கூடுதலாக வழங்கப்பட்டுள்ளது.
