முதல்கட்ட ஊரக உள்ளாட்சித் தேர்தல் நடந்த இடங்களில் சிலவற்றில் மறுவாக்குப்பதிவு நாளை நடைபெறுகிறது.
வாக்குப் பெட்டிக்கு தீ வைப்பு மற்றும் வாக்குச் சீட்டில் குளறுபடி உள்ளிட்ட பல்வேறு காரணங்களுக்காக தமிழகத்தில் சில இடங்களில் நாளை மறுவாக்குப்பதிவுக்கு உத்தரவிடப்பட்டுள்ளது.
அதன்படி
- திருவள்ளூர் கடம்பத்தூர் ஒன்றியம் பாப்பரம்பாக்கம் ஊராட்சியில் நாளை மறுவாக்குப்பதிவு நடைபெறுகிறது.
- தூத்துக்குடியில் நெடுங்குளம் ஊராட்சியின் 1-வது வார்டில் மறுவாக்குப்பதிவு நடைபெற உள்ளது.
- நாகை சீர்காழி அருகே கூழையூர் கிராமத்தில் இருபதாவது வார்டு உறுப்பினர் பதவிக்குக்கும்,
- புதுக்கோட்டையில் விராலிமலை பதினைந்தாவது வார்டுக்கு உட்பட்ட 13 வாக்குச்சாவடிகளுக்கும் மறுவாக்குப்பதிவு நடத்தப்படும்.
- தஞ்சையில் செம்மங்குடி ஊராட்சியில் 8 மற்றும் 9 வது வார்டுகளிலும்,
- மதுரையில் கொட்டாம்பட்டி ஊராட்சியில் சென்னகரம்பட்டி கிராமம் எட்டாவது வார்டு உறுப்பினர் பதவிக்கும் வாக்குப்பதிவு நடைபெற உள்ளது.
- கிருஷ்ணகிரியில் ஊத்தங்கரை ஒன்றியம் 21ஆம் வார்டில் நாளை மறுவாக்குப்பதிவு நடைபெறுகிறது.
