OnePlus Nord: பட்ஜெட் விலை; சமரசம் இல்லாத அம்சங்கள்; ஜூலை 10-இல் அறிமுகம்!

ஒன்பிளஸ் நிறுவனம் அதன் இந்திய ரசிகர்கள் மற்றும் வாடிக்கையாளர்களுக்காக புதிய மற்றும் மலிவு விலையிலான ஸ்மார்ட்போன் தொடரை அறிமுகப்படுத்தப்போவதாக அறிவித்துள்ளது. இருப்பினும், இந்த தொடரின் கீழ் வரும் ஸ்மார்ட்போனின் பெயரை ஒன்பிளஸ் நிறுவனம் இன்னும் உறுதிப்படுத்தவில்லை.

இருப்பினும் முன்னதாக வெளியான பல்வேறு அறிக்கைகள் மற்றும் ஆய்வுகளின் படி, ஒன்பிளஸ் நிறுவனத்தின் புதிய மலிவு விலையிலான ஸ்மார்ட்போன் ஆனது ஒன்பிளஸ் இசட் அல்லது ஒன்ப்ளஸ் 8 லைட் என்று பெயரிடப்படும் என்று எதிர்பார்க்கப்பட்டது.

சாம்சங், மி & ரியல்மி பட்ஜெட் டிவிகளுக்கு ஜூலை 2 ஆம் தேதி முதல் ஆப்பு; ஏன்?

இப்போது, ஒன்பிளஸ் இறுதியாக பெயர் சார்ந்த சஸ்பென்ஸிற்கு ஒரு முடிவு காட்டியுள்ளது. ஒன்பிளஸ் அதன் மலிவு விலை ஸ்மார்ட்போனின் பெயரை டீஸ் செய்துள்ளது – அது ஒன்பிளஸ் நோர்ட் (OnePlus Nord) ஆகும். இது ஜூலை 10 ஆம் தேதி அறிமுகமாகலாம் என்றும் கூறப்படுகிறது. ஒன்பிளஸ் நிறுவனம் ஒரு இன்ஸ்டாகிராம் பதிவின் வழியாக அதன் ஸ்மார்ட்போனுக்கு நோர்ட் என்று பெயரிடப்படும் என்பதை வெளிப்படுத்தியுள்ளது.

பதிவிட்ட வேகத்தில் அந்த போஸ்டை நீக்கிவிட்டாலும் கூட, ஒன்பிளஸிலிருந்து வரவிருக்கும் இடைப்பட்ட சாதனம் ‘ஒன்பிளஸ் நோர்ட்’ என்று அழைக்கப்படும் என்பது இப்போது தெளிவாகத் தெரிகிறது. இது தவிர, அமேசான் தளத்தில் வரவிருக்கும் ஒன்பிளஸ் நோர்ட் ஸ்மார்ட்போனுக்கான டீஸர் பக்கமும் உருவாக்கப்பட்டுள்ளது.

ஒன்பிளஸ் நோர்ட் ஸ்மார்ட்போனின் எதிர்பார்க்கப்படும் அம்சங்கள்:

வரவிருக்கும் மலிவு விலையிலான ஒன்பிளஸ் ஸ்மார்ட்போனின் அதிகாரப்பூர்வ விவரக்குறிப்புகள் மற்றும் அம்சங்களை ஒன்பிளஸ் இன்னும் டீஸ் செய்யவில்லை.

இருப்பினும், இணையத்தில் கிடைக்கும் பல்வேறு அறிக்கைகள் மற்றும் ஆய்வுகளின் படி, ஒன்பிளஸ் நோர்ட் ஸ்மார்ட்போன் ஆனது குவால்காம் ஸ்னாப்டிராகன் 765 சிப்செட் மூலம் இயக்கப்படலாம் என்று எதிர்பார்க்கப்படுகிறது.

இது மட்டுமல்லாமல், இந்த ஸ்மார்ட்போனில் 12 ஜிபி ரேம் மற்றும் 5 ஜி இணைப்பு இருக்கும் என்று பயனர்கள் எதிர்பார்க்கலாம். ஒன்பிளஸ் நோர்டில் 30W ஃபாஸ்ட் சார்ஜிங்கிற்கான ஆதரவுடன் 4300 எம்ஏஎச் பேட்டரி இருக்கும் என்று எதிர்பார்க்கப்படுகிறது.

கேமரா அம்சங்களைப் பொறுத்தவரை, ஸ்மார்ட்போனில் 64 எம்பி முதன்மை கேமராவுடன் ட்ரிபிள் ரியர் கேமரா அமைப்பு இருக்கும் என்று வதந்கள்தி பரவியுள்ளது.

ஹானர் 10X ப்ரோவின் 6 ஜிபி + 256 மாடல் இதை விட கம்மியா கிடைக்காது!

இதெல்லாம் ஒன்பிளஸிடமிருந்து அதிகாரப்பூர்வ உறுதிப்படுத்தப்படாத அம்சங்கள் என்பதை மீண்டும் குறிப்பிட விரும்புகிறோம். ஆனால் உண்மையான அம்சங்களை அறிந்துகொள்ள நாம் அதிக நேரம் காத்திருக்க வேண்டிய அவசியம் இருக்காது. ஏனெனில் இந்த ஸ்மார்ட்போன் முதலில் இந்தியாவிலும் ஐரோப்பாவிலும் அறிமுகம் செய்யப்படும் என்பது ஏற்கனவே உறுதிப்படுத்தப்பட்டுள்ளது.

ஒன்பிளஸ் நோர்ட் ஸ்மார்ட்போனின் எதிர்பார்க்கப்படும் விலை மற்றும் விற்பனை:

வருகிரியா ஜூலை மாதத்தில் அதன் புதிய மலிவு விலையிலான ஸ்மார்ட்போனை அறிமுகப்படுத்தப்படும் என்று ஒன்பிளஸ் தெரிவித்துள்ளது. மேலும், ஒன்பிளஸ் நிறுவனத்தின் தலைமை நிர்வாக அதிகாரி பீட் லாவ், இது ஜூலை 10 ஆம் தேதி அறிமுகப்படுத்தப்படலாம் என்று குறிப்பிட்டுள்ளார்.

பிரபலமான 2 போன்களின் மீது ரூ.3000 வரை விலைக்குறைப்பு; ஒப்போ அதிரடி!

இந்தியாவில் இதன் விலை நிர்ணயத்தை பொறுத்தவரை, ஒன்பிளஸ் நோர்ட் ஸ்மார்ட்போன் ரூ.25,000 க்கும் குறைவாக இருக்கும் என்று வதந்தி பரவியுள்ளது. இருப்பினும், இதன் விலை குறித்து ஒன்பிளஸ் அதிகாரப்பூர்வ அறிக்கைகள் எதுவும் வெளியிடவில்லை.


செய்திகளை உடனுக்குடன் தெரிந்து கொள்ள நமது தளத்தின் Android App டவுன்லோட் செய்யுங்கள். App Download

உங்கள் கருத்துக்களை தெரிவிக்கலாமே