நாம் அன்றாடம் நமது உடலுக்குத் தேவையான ஊட்டச்சத்து நிறைந்த உணவுகளை உட்கொள்ள வேண்டியது அவசியம். இப்படி தேவையான ஊட்டச்சத்துக்கள் அனைத்தும் நிறைந்ததை தான் சமச்சீர் உணவு என்கிறோம். அப்படி நம்முடைய உடலுக்குத் தேவையான ஊட்டச்சத்துக்களில் வைட்டமின் பி12 மிக முக்கியமானது. இந்த பற்றாக்குறையை எப்படி சரிசெய்வது, இதன் அறிகுறிகள் என்ன, வைட்டமின் பி12 நிறைந்த உணவுகள் என்ன என்பது பற்றி இங்கே பார்க்கலாம்.
ஆரோக்கியமான உணவு பழக்கவழக்கங்கள் ஆரோக்கியமான வாழ்க்கை வாழ உதவும். வைட்டமின் குறைபாடு B 12 உள்ளவர்களுக்கு தென்படும் அறிகுறிகள் பற்றி இங்கு தெரிந்து கொள்வோம்.
மனிதனின் மூளை, நரம்பு செயல்பாட்டிற்கு மற்றும் ரத்த உற்பத்திக்கு வைட்டமின் B 12 அத்தியாவசியம். நான்கு முக்கியமான வைட்டமின் B வகைகளில் B 12 என்பது மிக முக்கியமானது. குறைந்த அளவிலான வைட்டமின் B 12 பல்வேறு உடல்நலப் பிரச்சினைகளை ஏற்படுத்தக் கூடியது. ஆனால் இந்த வைட்டமின்கள் நமது உடலில் இயற்கையாக சுரப்பதில்லை.
வைட்டமின் பி12 ஊட்டச்சத்தின் தேவை
வைட்டமின் B12 அல்லது கோபலமின் என்பது நீரில் கரையக்கூடிய ஊட்டச்சத்து நம்முடைய உடலுக்கு மிகவும் முக்கியமானது.
இந்த வைட்டமின் நீரில் கரைந்து நம்முடைய இரத்த ஓட்டத்தின் வழியாக செல்கிறது. இந்த வைட்டமின் பி12 ஊட்டச்சத்தை நம்முடைய உடலில் தேவையான அளவுக்கு கிட்டதட்ட 4 ஆண்டுகள் வரையிலும் சேர்த்து வைத்துக் கொள்ள முடியுமாம்.
இரத்த சிவப்பணுக்கள் மற்றும் டிஎன்ஏ போன்றவற்றின் பல செயல்பாடுகளுக்கும் நம்முடைய உடலுக்குத் தேவைப்படும் மிக முக்கியமான ஊட்டச்சத்துக்களில் B12 ஒன்றாம். மூளை மற்றும் நரம்பு செல்களின் வளர்ச்சியிலும் இது முக்கிய பங்கு வகிக்கிறது என்பது குறிப்பிடத்தக்கது.
வைட்டமின் பி12 பற்றாக்குறை
ஊட்டச்சத்துக்கள் குறைபாட்டில் பெரும்பான்மையானோருக்கு தற்போது வைட்டமின் B 12 குறைபாடு ஒரு பொதுவான பிரச்சினையாக இருக்கிறது.
வைட்டமின் B 12 நிறைந்த உணவுகளை எடுத்துக் கொள்ளாததால் இந்த பிரச்சனை அதிகமாக உண்டாகிறது. இதனால் ஆரம்ப கட்டத்தில் ரத்த சோகை, வயிற்றுப் புண் நோய் போன்ற நோய் பாதிப்புள் அதிகரிக்கச் செய்கின்றன.
பாதங்களில் ஏற்படும் வைட்டமின் பி12 பற்றாக்குறை அறிகுறிகள்
- கூச்ச உணர்வு
- உணர்வின்மை
வைட்டமின் B 12 நரம்பு மண்டலத்தின் ஆரோக்கியமான செயல்பாட்டிற்கு உதவுகிறது. எனவே இதன் குறைபாடு காரணமாக நரம்பு பாதிப்பு ஏற்படுகிறது. அவை நரம்புகளின் குவியலாக இருக்கிற பாதங்களில் அதிகமாக பாதிப்பை உண்டாக்குகிறது.
வைட்டமின் பி12 பற்றாக்குறையின் வேறு சில அறிகுறிகள்
வைட்டமின் B12 குறைபாட்டால் உடலில் பல்வேறு பிரச்சினைகள் ஏற்படலாம். சரியான நேரத்தில் இதற்கு சிகிச்சை அளிக்கப்படாவிட்டால் நிலைமை மிகவும் மோசமடையலாம். நாம் தெரிந்து கொள்ளவேண்டிய மேலும் சில அறிகுறிகள் பற்றி இங்கு பார்ப்போம்.
சோர்வு அல்லது தீவிர சோர்வு
மூச்சுத் திணறல்
தலைவலி மற்றும் தலைச்சுற்றல்
வெளிறிய தோல்
இதயத் துடிப்பு
இரைப்பை குடல் பிரச்சினைகள்
கவனம் செலுத்துவதில் சிரமம்
பி12 வைட்டமின் அதிகமுள்ள உணவுகள்
வைட்டமின் பி 12 சைவ உணவுகளைக் காட்டிலும் சில இறைச்சி வகைகளில் அதிகமாகக் காணப்படுகிறது.
மாட்டிறைச்சி,
பன்றி இறைச்சி,
கோழி,
ஆடு,
மீன் (டுனா மற்றும் ஹாடாக்) மற்றும் நண்டு போன்ற கடல் உணவுகள்,
பால்,
பாலாடைக்கட்டி மற்றும் தயிர் போன்ற பால் பொருட்கள்,
முட்டை
போன்றவற்றில் வைட்டமின் பி 12 நிறைந்து காணப்படுகிறது. அதேபோல உங்கள் தினசரி உணவில் முழு தானியங்களை சேர்த்துக் கொள்வது நல்லது.
