ஜியோ FREE Data ஆபர்: தினமும் 2ஜிபி முற்றிலும் இலவசம்; எத்தனை நாட்களுக்கு?

ரிலையன்ஸ் ஜியோ அதன் சில பயனர்களுக்கு நான்கு நாட்கள் என்கிற வேலிடிட்டியின் கீழ் தினமும் 2 ஜிபி அளவிலான இலவச டேட்டாவை வழங்குகிறது. யாருக்கெல்லாம் கிடைக்கும், எங்கே சென்று செக் செய்வது, இதோ முழு விவரங்கள்.
முகேஷ் அம்பானி தலைமையிலான ரிலையன்ஸ் ஜியோ நிறுவனம் அதன் சில பயனர்களுக்கு நான்கு நாட்கள் செல்லுபடியாகும் வகையில் 2 ஜிபி அளவிலான இலவச டேட்டாவை வழங்குவதாக கூறப்படுகிறது. ஜியோ தனது வாடிக்கையாளர்களுக்கு 5 நாட்களுக்கு இலவசமாக 2 ஜிபி அளவிலான டேட்டாவை வழங்கிய பின்னர் இந்த இலவச சலுகை வருகிறது.
யாருக்கெல்லாம் கிடைக்கும்?

ஜியோ நிறுவனம் இந்தியா முழுவதும் உள்ள அதன் பயனர்களை “தோராயமாக” தேர்ந்தெடுத்து புதிய சலுகை வழங்குகிறது. அதாவது இந்த சலுகையை யார் பெறுவார்கள், யார் பெற மாட்டார்கள் என்பதில் எந்த வடிவமும் இல்லை என்று அர்த்தம். எனவே இந்த இலவச டேட்டாவை நீங்கள் பெறலாம் அல்லது பெறாமலும் போகலாம்.

உங்களுக்கு கிடைத்துள்ளது என்பதை எப்படி சோதிப்பது?

மைஜியோ பயன்பாட்டிலில் உள்ள மை பிளான்ஸ் பிரிவுக்குச் சென்று, இந்த இலவச ஜியோ டேட்டா பேக் கிடைப்பதை நீங்கள் சோதிக்கலாம். ஜியோ நிறுவனத்தின் அதிகாரப்பூர்வ வலைத்தளத்திலில் உள்ள மை ஸ்டேட்மென்ட் செக்ஷனிலும் கூட இந்த இலவச டேட்டா நன்மை கிடைப்பதை நீங்கள் சரிபார்க்கலாம்.

இந்த இலவச சலுகையின் நன்மை:

இந்த இலவச சலுகை மூலம் ஜியோ தனது வாடிக்கையாளர்களுக்கான ஆக்டிவ் திட்டத்தின் டேட்டா நன்மைக்கு மேல் ஒரு நாளைக்கு கூடுதல் 2 ஜிபி டேட்டாவை வரவு வைக்கிறது.
எடுத்துக்காட்டாக, நீங்கள் ஒரு நாளைக்கு 3 ஜிபி தரவை வழங்கும் ரூ.349 ப்ரீபெய்ட் திட்டத்தில் இருந்தால், தினசரி டேட்டாவின் மேல் 2 ஜிபி கூடுதலாக கிடைக்கும். அதாவது ஒரு நாளைக்கு மொத்தம் 5 ஜிபி டேட்டா இருக்கும். இந்த டேட்டா நன்மையானது வழக்கமான வரம்பற்ற அழைப்பு சலுகைகள் மற்றும் ஒரு நாளைக்கு 100 எஸ்எம்எஸ் ஆகியவற்றுடன் இருக்கும்.

ஜியோ புதிய ஸ்மார்ட்போன்கள்?

இதற்கிடையில், சீன மொபைல்களுக்கு எதிராக ரிலையன்ஸ் ஜியோ ஸ்மார்ட்போன்களை அறிமுகம் செய்யவுள்ளது என்கிற தகவலை ஜியோ நிறுவனம் மறுத்துள்ளது. இந்நிறுவனம் லைஃப்-பிராண்டட் ஸ்மார்ட்போன்களை 2016 ஆம் ஆண்டில் Lyf Earth 1 உடன் அறிமுகப்படுத்தியது என்பது குறிப்பிடத்தக்கது.


செய்திகளை உடனுக்குடன் தெரிந்து கொள்ள நமது தளத்தின் Android App டவுன்லோட் செய்யுங்கள். App Download

உங்கள் கருத்துக்களை தெரிவிக்கலாமே