மும்பையில் நடைபெற்ற இளையோருக்கான உலகச் சாம்பியன்ஷிப் செஸ் போட்டியில் சென்னையைச் சேர்ந்த பிரக்ஞானந்தா பட்டம் பெற்று அசத்தி இருக்கிறார்.
14 வயதான பிரக்ஞானந்தா, 18 வயதுக்கு உட்பட்டோருக்கான பிரிவில் பங்கேற்றார். தொடக்கச்சுற்று முதலே முன்னிலை பெற்ற அவர், கடைசி மற்றும் 11-வது சுற்றில் ஜெர்மனியின் வாலெண்டின்னுடன் பலப்பரீட்சை நடத்தினார்.
இந்த போட்டி டிராவில் முடிந்தது.
பதினொரு சுற்றுகளின் முடிவில் சென்னையைச் சேர்ந்த இளம் கிராண்ட் மாஸ்டரான பிரக்ஞானந்தா 9 புள்ளிகளுடன் சாம்பியன் பட்டம் வென்றார்.
இவர் ஏற்கனவே 8 வயது மற்றும் 10 வயதுக்கு உட்பட்டோருக்கான இளையோர் செஸ் போட்டிகளிலும் உலகச் சாம்பியன் பட்டம் வென்று இருக்கிறார்.
