பிரபல நடிகை ஒருவர் கல்யாணம் என்கிற பேச்சை கேட்டாலே கடுப்பாகிவிடுகிறாராம்.
நல்ல உயரம், அழகு, நடிப்புத் திறமை உள்ளவர் அந்த நடிகை. அவரை நம்பி வெயிட்டான கதாபாத்திரத்தை கொடுக்க இயக்குநர்கள் தயாராக இருக்கிறார்கள். அந்த அளவுக்கு கதாபாத்திரமாகவே மாறிவிடுவார். ஹீரோயினை மையமாக வைத்து படம் எடுக்கும் இயக்குநர்களுக்கு பிடித்த நடிகை அவர்.
அந்த நடிகைக்கு விரைவில் திருமணம் செய்து வைக்க அவரின் பெற்றோர் விரும்புகிறார்கள். நடிகைக்கு ஜாதகத்தில் பிரச்சனை என்று கூறப்படுகிறது. இதையடுத்து நடிகையை அழைத்துக் கொண்டு அவரின் பெற்றோர் கோவில் கோவிலாக சென்று கொண்டிருக்கிறார்கள்.
எத்தனை மாப்பிள்ளை பார்த்தாலும் ஒன்று கூட இதுவரை செட் ஆகவில்லை. மாப்பிள்ளையை நடிகைக்கு பிடித்திருந்தால் ஜாதகம் பொருந்தவில்லையாம். ஜாதகம் பொருந்தியிருந்தால் நடிகைக்கு மாப்பிள்ளையை பிடிப்பது இல்லையாம். ஜாதகமும் பொருந்தி, நடிகைக்கும் பிடித்திருந்தால் அவரின் பெற்றோருக்கு பிடிக்கவில்லையாம். இதனால் நடிகையின் கல்யாணம் தொடர்ந்து தள்ளிப் போய்க் கொண்டே இருக்கிறது.
கோவில், கோவிலாக ஏறி இறங்கிய நடிகை கடுப்பாகிவிட்டாராம். இனியும் பட்டுப் புடவையை கட்டிக் கொண்டு யார் முன்பும் நிற்கச் சொல்லாதீர்கள். அதுவாக நடந்தால் நடக்கட்டும் என்று கூறிவிட்டாராம். திருமணம் என்கிற பெயரை கேட்டாலே நடிகைக்கு கோபம் வருகிறதாம்.
நான் தொடர்ந்து படங்களில் கவனம் செலுத்தப் போகிறேன் என்று பெற்றோரிடம் கூறிவிட்டாராம்.
