சமீபத்தில் நடிகர் ரஜினிகாந்த் முகக்கவசம் அணிந்த நிலையில் கார் ஓட்டுவது போன்ற ஒரு புகைப்படமும் , கேளம்பாக்கத்தில் உள்ள வீட்டில் தனது மகள் , மருமகன் மற்றும் பேரனுடன் இருப்பது போன்ற ஒரு புகைப்படமும் சமூக வலைத்தளங்களில் வெளியாகி வைரலாகப் பரவியது.
இதையடுத்து, ரஜினிகாந்த் இ- பாஸ் பெற்று தான் கேளம்பாக்கம் வீட்டுக்குச் சென்றாரா ? என்று கேள்வி எழுந்தது.
இதுகுறித்து செய்தியாளர்களின் கேள்விக்கு பதிலளித்த மாநகராட்சி ஆணையர் பிரகாஷ் , கேளம்பாக்கம் செல்ல ரஜினி இ -பாஸ் பெற்றாரா என பின்னர் ஆய்வு செய்து தெரிவிக்கப்படும் என்றார்.
இந்நிலையில் ரஜினிகாந்த் , சென்னை போயஸ் கார்டன் இல்லத்தில் இருந்து கேளம்பாக்கத்தில் உள்ள பண்ணை வீட்டுக்கு இன்று செல்வதற்கு இ -பாஸ் எடுத்துள்ளார்.
மருத்துவக் காரணங்களுக்காக செல்வதாகவும் , கார் ஓட்டுநருடன் செல்வதாகவும் அந்த இ- பாஸில் குறிப்பிடப்பட்டுள்ளது.
அவருக்கு இ- பாஸ் வழங்கப்பட்ட தேதியாக நேற்றைய தேதியும் (22) பயண தேதியாக இன்றைய தேதியும் (23) அதில் குறிப்பிடப்பட்டுள்ளது.