கர்ப்பப்பை சீரான வளர்ச்சியில் இல்லை என்பதை உணர்த்தும் அறிகுறிகள், இளம்பெண்களுக்கானது !

பெண் பிள்ளைகள் பிறந்தது முதல் வளரும் காலம் அதோடு நடுத்தர காலம் வரை கர்ப்பப்பையின் பணிகளில் பல மாற்றங்களை அனுபவிப்பது இயல்பானது.
பெண் பிள்ளைகளின் வளர்ச்சியை ஏழு பருவங்களாக பிரித்து சொல்வது உண்டு. ஒரு வகையில் அவர்களது கர்ப்பப்பை வளர்ச்சியையும் கூட இதில் கணக்கில் சேர்க்கலாம். பெண் பிள்ளைகள் பூப்படைவதில் தொடங்கி மாதவிடாய் சுழற்சி, கர்ப்பக்காலம், பிரசவக்காலம், அதன் பிறகு மாதவிடாய் சுழற்சி, இறுதியாக மாதவிடாய் சுழற்சி நிறுத்தம் என்று பல விஷயங்கள் உண்டு. இவை அனைத்துமே கர்ப்பப்பையோடு தொடர்பு கொண்டவையே.
கர்ப்பப்பை வளர்ச்சி பெண் பிள்ளைகளின் வயதில் உரிய அளவு இருந்து சிறப்பாக செயல்பட வேண்டும். இல்லையெனில் உடல் ஆரோக்கிய குறைபாட்டில் பல பிரச்சனைகளை சந்திக்க நேரிடும். குறைந்தது மாதவிடாய் சுழற்சி, கருவுறுதல், கர்ப்பக்காலம் வரையாவது இதன் வளர்ச்சி இருக்க வேண்டும். இதற்கெல்லாம் அடிப்படை பெண் பிள்ளைகள் உரியவயதில் பூப்படைவதோடு அதன் தொடர்ச்சியான மாற்றங்களையும் சந்திக்கவேண்டும். இந்த இனப்பெருக்க இயக்க குறையே ஹைப்போகோனோடிசம் என்று அழைக்கப்படுகிறது. இது உண்டாகும் போது என்ன மாதிரியான அறிகுறிகள் உண்டாகும் என்பதை தெரிந்துகொள்வொம்.
​பூப்படைதல் பிரச்சனை
முன்பெல்லாம் பெண்கள் 12 வயது முதல் பூப்படைய தொடங்கினார்கள். அதன் பிறகு மாறி வந்த உணவுப்பழக்க வழக்கங்களில் பூப்படையும் பெண்களின் வயது 10 ஆக இருந்தது. தற்போது அதுவும் படிப்படியாக குறைந்து தற்போடு 8 வயதிலேயே பூப்படையும் பெண் பிள்ளைகளின் எண்ணிக்கை அதிகரித்துவருகிறது. இந்நிலையில் இவை எதுவுமே இல்லாமல் பூப்படைதலை நீண்ட வருடம் வரை சந்திக்காமல் இருக்கு பெண்பிள்ளைகளும் உண்டு. பெண் பிள்ளைகள் 15 வயதுக்கு பிறகும் பூப்படையாமல் இருந்தால் அதை அலட்சியம் செய்ய கூடாது.

ஏனெனில் கர்ப்பப்பையின் வளர்ச்சியை சீராக்கும் ஹார்மோன் சுழற்சியானது சீராக சுரக்காமல் இருப்பது, அல்லது முழுமையாக வெளிப்படாமல் போவது, கருமுட்டை வெளிவராமல் இருப்பது போன்ற குறைபாடுகளால் பூப்படைதலில் பிரச்சனை உண்டாகும். பெண் பிள்ளைகள் பூப்படையாமல் இருப்பதோடு இந்த அறிகுறிகளும் இருந்தால் அலட்சியம் செய்யாமல் மருத்துவரை அணுகுவது நல்லது.

​வளராத மார்பகம், அந்தரங்க முடி
பெண் பிள்ளைகள் பூப்படைதலுக்கு தயாராவதை உணர்த்துவதே அவர்களது உறுப்புகளில் உண்டாகும் மாற்றம் தான். பெண் பிள்ளைகள் பூப்படைவதற்கு முன்பு அவர்களது மார்பகம் கூடுதலாக வளர்ச்சியடையக்கூடும். அக்குள் பகுதியில் முடி வளர்ச்சி தொடங்க கூடும். அதோடு அந்தரங்க பகுதியில் பெண் உறுப்பிலும் முடிகள் வளர்ச்சி தொடங்கும்.

இந்த வளர்ச்சியை சிறிதும் காணாவிட்டால் நிச்சயமாக இந்த குறைபாட்டை அலட்சியப்படுத்தக்கூடாது. சிலருக்கு வெகு அரிதாக மிக சிறிய அளவு வளர்ச்சி இருக்கும். இதுவும் அலட்சியம் செய்யக்கூடிய அறிகுறி அல்ல.

​உயரத்தில் குறைவு
பெண் பிள்ளைகளின் வளர்ச்சியானது பூப்படைதலின் போதும், திருமணத்தின் போதும், குழந்தைபேறுக்கு பின்பும் காணலாம். அதுவரை உயரம் குறைவாக இருந்த பெண்கள் கூட பூப்படையும் நிலையில் உயரமாக வளர்ந்துவிடுவார்கள். பெண் பேரிளம் பெண் என்று அழைக்கப்படும் நிலை இதுதான்.

ஆனால் உரிய வயதுக்கு வந்த பிறகும் 14 வயதுக்கு பிறகும் வளராமல் உயரம் குறைவாக இருந்தால் அதை கவனிக்க வேண்டியது அவசியம். பெண் பிள்ளைகள் உயரம் குறைவு அதோடு பெண் பிள்ளைகள் பூப்படைதலிலும் பிரச்சனை இருக்கும் போது இதை கவனிக்க வேண்டியிருக்கும்.

​சிறுநீர் கழிப்பதில் மாற்றம்
இயல்பாக சிறுநீர் கழிக்கும் போது சிறுநீர் சூடாக வெளியேறுவது உண்டு. ஆனால் வழக்கத்தைக் காட்டிலும் சிறுநீர் கழிக்கும் போதும் அதிக சூடாக உணர்ந்தால் அதை தொடர்ந்து கவனிக்க வேண்டும். தொடர்ந்து அப்படியே இருந்தால் அது இனப்பெருக்க இயக்கக்குறையில் உண்டாகும் குறைபாடாகவும் இருக்க வாய்ப்புண்டு என்பதால் இதையும் கவனிக்க வேண்டும்.

​மாதவிடாய் வராமல் இருப்பது
பெண் பிள்ளைகள் பூப்படைந்த பிறகு மாதவிடாய் சுழற்சி சீராக இருக்க வேண்டும். சில பெண் பிள்ளைகளுக்கு பூப்படையும் காலத்தில் மட்டும் ரத்த போக்கு உண்டாக கூடும். இந்த ரத்த போக்குக்கு பிறகு வர வேண்டிய மாதவிடாய் சுழற்சி பூப்படைந்த பிறகு உடனே வராது என்றாலும் கூட ஒரு வருடத்துக்கு பிறகு மாதவிடாய் சுழற்சி சீராக வளரும். குறைந்தது இரண்டு வருடத்துக்குள்ளாவது மாதவிடாய் சுழற்சி சீராகவாது இருக்கும். ஆனால் இவையெல்லாமே கடந்தும் கூட மாதவிடாய் சுழற்சி வராமல் இருந்தால் அவை பெண் இனப்பெருக்க இயக்கக்குறை அறிகுறியாகவும் இருக்கலாம்.

​மனநிலை குழப்பம்
பெண் பிள்ளைகளின் மனநிலை குறித்தும் அம்மாக்கள் கவனிக்கலாம். பொதுவாக இளவயது பெண்களின் மனநிலையில் தெளிவு இருக்காது. ஒருவித மந்தமாக சோர்வுடன் இருப்பார்கள். எப்போதும் உடல் சோர்வோடு செய்யும் வேலையிலும் சுறுசுறுப்பில்லாமல் பெண் பிள்ளைகள் வளைய வந்தால் அது கர்ப்பப்பையின் வளர்ச்சியில் குறைபாடு என்பதே ஆகும்.

கர்ப்பப்பை குறைபாடு நேரும் போது அவை சீரான வளர்ச்சியை அடையாத நேரத்தில் ஹார்மோன் குறைபாடு முதல் குழந்தைப்பேறு வரை எல்லாமே சிக்கல். ஏனெனில் இது பெண் இனப்பெருக்க இயக்கக்குறைக்கான அறிகுறியாகவே இருக்கலாம் என்பதால் இதை அலட்சியம் செய்யாமல் மருத்துவரை அணுகுவது நல்லது.


செய்திகளை உடனுக்குடன் தெரிந்து கொள்ள நமது தளத்தின் Android App டவுன்லோட் செய்யுங்கள். App Download

உங்கள் கருத்துக்களை தெரிவிக்கலாமே