கேம்ஸ்கேனர் என்பது ஆவணங்களை ஸ்கேன் செய்வதற்கான ஒரு ஆப் ஆகும். ஆனால் அரசாங்கத்தின் உத்தரவைப் பின்பற்றி சீன நிறுவனங்களின் மற்ற 58 செயலிகளுடன் சேர்த்து இந்தியாவில் இதுவும் தடைசெய்யப்பட்டுள்ளது.
இந்த பட்டியலில் உள்ள பிரபலமான செயலிகளில் ஒன்றான டிக்டாக் உட்பட மொத்த 59 சீன ஆப்களும் இப்போது கூகுள் பிளே மற்றும் ஆப்பிள் ஆப் ஸ்டோரிலிருந்து அகற்றப்பட்டுள்ளது.
நீங்கள் கேம்ஸ்கேனரைப் பயன்படுத்தி இருந்தால், உங்களுக்கு அதே போன்ற மற்றொரு மாற்று கண்டிப்பா தேவைப்படலாம். அப்படியாக நீங்கள் கவனத்தில் கொள்ள வேண்டிய ஐந்து கேம்ஸ்கேனர் மாற்று ஆப்ஸ்களின் பட்டியல் இதோ:
அடோப் ஸ்கேன் (Adobe Scan)
கேம்ஸ்கேனர் ஆப்பிற்கான மாற்றுகளைப் பற்றி நினைக்கும் போது அடோப் ஸ்கேன் ஆப் தான் முதலில் நினைவுக்கு வருகிறது. இதன் பெயர் குறிப்பிடுவது போல, இந்த பயன்பாட்டை அடோப் உருவாக்கி உள்ளது மற்றும் இது ஏராளமான அம்சங்களுடன் வருகிறது
மைக்ரோசாஃப்ட் ஆபிஸ் லென்ஸ் (Microsoft Office Lens)
மைக்ரோசாப்ட் நிறுவனத்தின் மைக்ரோசாப்ட் ஆபிஸ் லென்ஸ் மற்றொரு சக்திவாய்ந்த கேம்ஸ்கேனர் மாற்றாகும். எல்லா வகையான ஆவணங்களையும் ஸ்கேன் செய்து அவற்றை நேரடியாக வார்த்தை அல்லது பவர்பாயிண்ட் ஆக எக்ஸ்போர்ட் எய்ய இந்த ஆப் உங்களை அனுமதிக்கிறது.
போட்டோஸ்கேன் (PhotoScan)
போட்டோஸ்கேன் ஆப்பை கூகுள் உருவாக்கி உள்ளது, இது ஆவணங்களை ஸ்கேன் செய்ய உங்களை அனுமதிப்பது மட்டுமல்லாமல், அச்சிடப்பட்ட புகைப்படங்களை ஸ்கேன் செய்து டிஜிட்டல் நகல்களாக சேமிக்க விரும்புபவர்களுக்கும் கைகொடுக்கும். மொத்தத்தில் போட்டோஸ்கேன் ஆப் இயல்பானவற்றை டிஜிட்டல் புகைப்படங்களை உருவாக்குவதில் மிகவும் சிறந்தது.
டேப்ஸ்கேனர் (TapScanner)
கேம்ஸ்கேனர் பயன்பாட்டிற்கு டாப்ஸ்கேனர் ஒரு நல்ல மாற்றாகும். இந்த பயன்பாட்டின் தனித்துவமான விஷயம் என்னவென்றால், இது விரிவான ஸ்கேன் செய்யப்பட்ட ஆவணத்தை உருவாக்க பல புகைப்படங்களை எடுக்கும் அம்சத்தினை கொண்டுள்ளது. ஸ்கேன் செய்யப்பட்ட நகல்களை நீங்கள் பல பார்மட்களில் எக்ஸ்போர்ட் செய்து க்ளவுடில் பதிவேற்றலாம்.
டர்போஸ்கான் (TurboScan)
கேம்ஸ்கேனர் ஆப் கொண்டுள்ள எல்லா திறன்மிக்க வேலைகளையும் இந்த டர்போஸ்கேன் ஆப்பும் செய்யும். இந்த ஆப்பில் ஆட்டோ எட்ஜ் டிடெக்ஷன், மல்டி ஸ்கேனிங் மற்றும் பல அம்சங்கள் உள்ளன. இதன் ஷார்ப் மோட் கூர்மையான மற்றும் சிறந்த ஸ்கேன் செய்யப்பட்ட நகல்களை உருவாக்கியது.
