சூரரைப் போற்று அப்டேட் வரும் என்று எதிர்பார்த்த சினிமா ரசிகர்கள் அதிர்ச்சி அடைந்துள்ளனர். காரணம் அப்பேட்டுக்கே ஒரு அப்டேட் விட்டிருக்கிறார்கள்.
சுதா கொங்கரா இயக்கத்தில் சூர்யா நடித்துள்ள படம் சூரரைப் போற்று. ஏர் டெக்கன் நிறுவனர் ஜி.ஆர். கோபிநாத்தின் வாழ்க்கை வரலாற்று படம் ஆகும். இந்த படத்தில் சூர்யாவுக்கு ஜோடியாக மலையாள நடிகை அபர்ணா பாலமுரளி நடித்துள்ளார்.
சூரரைப் போற்று படத்தில் வரும் வெய்யோன் சில்லி பாடல் வெளியாகி சூப்பர் ஹிட்டானது. கொரோனா வைரஸ் பிரச்சனை மட்டும் ஏற்படாமல் இருந்திருந்தால் சூரரைப் போற்று படம் கடந்த ஏப்ரல் மாதமே வெளியாகியிருக்கும். வைரஸ் பிரச்சனையால் சூரர் வரும் தேதி தள்ளிப் போயுள்ளது.
கொரோனாவால் அடுத்த ஆண்டு தான் தியேட்டர்கள் எல்லாம் திறக்கப்படும் என்று கூறப்படுகிறது. அப்படி என்றால் சூரரைப் போற்று படத்தை 2021ம் ஆண்டில் தான் பார்க்க முடியும் போன்று.
சூரரைப் போற்று படம் குறித்து ஏதாவது அப்டேட் கொடுக்குமாறு சூர்யா ரசிகர்கள் சுதா கொங்கராவை அடிக்கடி கெஞ்சிக் கொண்டிருக்கிறார்கள். இந்நிலையில் ஜூலை 19ம் தேதி மாலை அப்டேட் வருகிறது என்று தெரிவிக்கப்பட்டது. இதையடுத்து சூர்யா ரசிகர்கள் படம் பற்றி பேசத் துவங்கியதால் #SooraraiPottru என்கிற ஹேஷ்டேக் ட்விட்டரில் தேசிய அளவில் காலையில் இருந்தே டிரெண்டாகி வருகிறது.
அறிவித்தபடி சரியான நேரத்தில் அப்டேட்டை வெளியிட்டுள்ளனர். சூரரைப் போற்று படத்தின் இசையமைப்பாளரான ஜி.வி. பிரகாஷ் ட்விட்டரில் கொடுத்த அப்டேட்டில் கூறியிருப்பதாவது,
வரும் 23ம் தேதி காலை 10 மணிக்கு காட்டுப்பயலே பாடலின் 1 நிமிட வீடியோ வெளியாகும். அந்த பாடலை பாடியிருப்பவர் தீ என்று தெரிவிக்கப்பட்டுள்ளது.
சூரரைப் போற்று போஸ்டர் அல்லது காட்டுப் பயலே அப்டேட் தான் வரும் என்று எதிர்பார்த்த சூர்யா ரசிகர்கள் மகிழ்ச்சி அடைந்துள்ளனர். ஆனால் மற்றவர்களோ, அடேங்கப்பா அப்டேட்டுக்கே அப்டேட்டு விடுறாங்களே என்று தெரிவித்துள்ளனர்.
ஜூலை 23ம் தேதி சூர்யாவின் பிறந்தநாள். அதனால் அவரின் பிறந்தநாள் பரிசாக காட்டுப்பயலே வீடியோவை வெளியிடுகிறார்கள் என்பது குறிப்பிடத்தக்கது.
