இன்ஸ்டாகிராமில் சமந்தாவை ஓவர் டேக் செய்து பூஜா ஹெக்டே 11 மில்லியன் என்ற மைல்கல்லை தொட்டுள்ளார்.
எப்போதும் சினிமாத் துறையில் ஹீரோக்கள் நடுவில் போட்டி இருப்பது வழக்கமான ஒன்று தான். ரசிகர்கள் கூட்டம், பாக்ஸ் ஆபிஸ் வசூல், சம்பளம் உள்ளிட்ட பல விஷயங்கள் தொடர்பாகநடிகர்கள் மத்தியில் போட்டி நடந்து கொண்டு தான் இருக்கின்றன. மேலும் சில நடிகர்களின் ரசிகர்கள் எதிரும் புதிருமாக சமூக வலைத் தளங்களில் மோதல் போக்கை கடைபிடித்து வருவதும் காலம் காலமாக நடந்து வருகிறது. குறிப்பிட்டு சொல்ல வேண்டும் என்றால் தமிழ் சினிமாவில் அஜித் விஜய் ரசிகர்கள் எப்படி இருக்கிறார்களோ அது போலவே பாலிவுட், டோலிவுட் உட்பட அனைத்து சினிமா துறைகளிலும் நடந்து கொண்டிருக்கின்றது.
ஹீரோக்கள் இடையே இருக்கும் போட்டி ஒருபுறமிருந்தாலும் தற்போது ஹீரோயின்கள் நடுவிலும் போட்டி மறைமுகமாக நடந்து கொண்டு தான் இருக்கிறது. அப்படி தெலுங்கு சினிமாவில் சமந்தா மற்றும் பூஜா ஹெக்டே இடையே நடக்கும் மறைமுக போட்டி பற்றி சமூக வலைத்தளங்களில் ரசிகர்கள் அவ்வப்போது பேசிக் கொண்டே தான் இருக்கிறார்கள்.
கடந்த சில வாரங்களுக்கு முன்பு நடிகை பூஜா ஹெக்டே அவரது இன்ஸ்டாகிராம் பக்கத்தில் சமந்தாவை விமர்சித்து ஒரு பதிவு போட்டிருந்தார். அது பலருக்கும் அதிர்ச்சியை ஏற்படுத்திய நிலையில், சற்று நேரத்திற்குப் பிறகு தன்னுடைய கணக்கு ஹாக் செய்யப்பட்டு விட்டது என புகார் கூறி இருந்தார். இந்த பிரச்சனைக்கு பிறகு சமந்தா மற்றும் பூஜா ஹெக்டே ரசிகர்கள் இடையே சமூக வலைத்தளங்களில் தொடர்ந்து மோதல் நடந்து வருகிறது.
தன்னுடைய கணக்கு ஹேக் செய்யப்பட்டு விட்டது அதை திரும்ப மீட்க முயற்சி செய்து வருகிறோம் என பூஜை ஹெக்டே விளக்கமளித்து இருந்தாலும், அந்த விளக்கத்தை ஏற்றுக்கொள்ள சமந்தாவின் ரசிகர்கள் தயாராக இல்லை. அவர் மன்னிப்பு கேட்க வேண்டும் என சமூக வலைத்தளங்களில் கூறினர். மறுபுறம் பூஜாவுக்கு ஆதரவாக அவரது ரசிகர்கள் களத்தில் நின்றனர். அதனால் அந்த சமயத்தில் இரு நடிகைகளின் ரசிகர்களுக்கும் நடுவில் ஹாஸ்டேக் போர் நடந்தது.
இந்நிலையில் தற்போது இன்ஸ்டாகிராமில் பூஜா ஹெக்டே சமந்தாவை ஓவர்டேக் செய்து முன்னணிக்கு வந்துள்ளார். பூஜை ஹெக்டேவுக்கு தற்போது 11 மில்லியன் ரசிகர்கள் உள்ளனர். ஆனால் சமந்தாவுக்கு 10.8 மில்லியன் மட்டுமே இருப்பது குறிப்பிடத்தக்கது.
சமீபத்தில் பூஜா ஹெக்டே நடிப்பில் ராதே ஷ்யாம் என்ற படத்தின் பர்ஸ்ட் லுக் போஸ்டர் வெளியாகி இருந்தது. இந்த படத்தில் பாகுபலி புகழ் பிரபாஸ் ஜோடியாக பூஜா ஹெக்டே நடிக்க உள்ளார். ராதே ஷ்யாம் படத்தின் போஸ்டர் மிகப் பெரிய அளவில் வைரல் ஆன நிலையில் தான் பூஜா ஹெக்டே இன்ஸ்டாகிராம் பக்கத்திற்கு அதிக அளவில் ரசிகர்கள் கிடைத்துள்ளனர்.
மேலும் சமந்தாவும் சமூக வலைத்தளங்களில் எப்போதும் ஆக்டிவாக இருக்கிறார் என்பதால் அவரும் வெகுவிரைவில் 11 மில்லியனை தொட்டு விடுவார் என்று எதிர்பார்க்கப்படுகிறது.
சமந்தா தன் கைவசம் தற்போது ஒரே ஒரு படம் மட்டுமே வைத்திருக்கிறார். விக்னேஷ் சிவன் இயக்கத்தில் உருவாக உள்ள காத்து வாக்குல ரெண்டு காதல் என்ற படத்தில் சமந்தா ஒரு முக்கிய ரோலில் நடிக்க உள்ளார். இந்த படத்தில் விஜய் சேதுபதி நயன்தாரா ஆகியோரும் நடிப்பது குறிப்பிடத்தக்கது. இந்த படம் பற்றி அறிவிப்பு வந்து பல மாதங்கள் ஆகிவிட்ட நிலையில் கொரோனா லாக்டவுன் காரணமாக ஷூட்டிங் இன்னும் தொடங்காமல் உள்ளது. வரும் ஆகஸ்ட் மாதத்தில் அது துவங்கும் வாய்ப்பு உள்ளது என தயாரிப்பாளர் தரப்பில் தகவல் சில வாரங்களுக்கு முன்பு கூறப்பட்டது அனைவரும் அறிந்ததே.
