சமீபத்தில், மோட்டோரோலா நிறுவனத்தின் லேட்டஸ்ட் ஸ்மார்ட்போன் ஆன Moto G8 Power Lite மாடலானது எதிர்பார்த்ததை விட (ரூ.15,000 க்குள்) மிகவும் குறைவான விலைக்கு (ரூ.10,000 க்குள்) இந்தியாவில் அறிமுகமானது.
நினைவூட்டும் வண்ணம் இந்த ஸ்மார்ட்போன் கடந்த ஏப்ரல் மாதம் உலகளவில் வெளியிடப்பட்டது. மோட்டோ ஜி 8 பவர் லைட் ஆனது ஆக்டா கோர் மீடியாடெக் ஹீலியோ பி 35 ப்ராசஸர் மற்றும் ட்ரிபிள் ரியர் கேமரா அமைப்பு மற்றும் ஒரு பெரிய 5,000 எம்ஏஎச் பேட்டரி போன்ற கவனிக்கத்தக்க அம்சங்களை கொண்டுள்ளது.
சிங்கிள் 4ஜிபி ரேம் + 64 ஜிபி இன்டர்னல் ஸ்டோரேஜின் கீழ் வெளியாகி இருந்தாலும் கூட இது இரண்டு வண்ண வகைகளில் வாங்க கிடைத்த மோட்டோ ஜி 8 பவர் லைட் விலை அறிமுகப்படுத்தப்பட்ட இரண்டு மாதங்களுக்குள் ரூ.9,499 ஆக உயர்த்தப்பட்டுள்ளது. முன்னதாக இது ரூ.8,999 க்கு அறிமுகப்படுத்தப்பட்டது என்பதும் இங்கே குறிப்பிடத்தக்கது. அதாவது மோட்டோ ஜி 8 பவர் லைட் ஆனது ரூ.500 என்கிற விலை உயர்வை பெற்றுள்ளது.
இந்த புதிய விலை பிளிப்கார்ட்டில் நேரலையில் உள்ளது, ஆனால் தற்போது இது வாங்குவதற்கு கிடைக்கவில்லை. இதன் அடுத்த விற்பனை வருகிற ஜூலை 23 நடத்த திட்டமிடப்பட்டுள்ளது, அன்று இந்த புதிய விலை நிர்ணயம் பொருந்தும்.
விற்பனையின் மோட்டோ ஜி 8 பவர் லைட் வாங்க ஆர்வமுள்ள வாடிக்கையாளர்களுக்கு பிளிப்கார்ட் சில சலுகைகளை பட்டியலிட்டுள்ளது. ஆக்சிஸ் பேங்க் கிரெடிட் கார்ட் மூலம் வாங்குபவர்களுக்கு 5 சதவீதம் கேஷ்பேக் கிடைக்கும், உடன் பல EMI விருப்பங்களும் உள்ளன.
மோட்டோ ஜி8 பவர் லைட் ஸ்மார்ட்போனின் அம்சங்கள்:
மோட்டோ ஜி8 பவர் லைட் ஸ்மார்ட்போன் ஆனது ஆண்ட்ராய்டு பை கொண்டு இயங்குகிறது மற்றும் 6.5 இன்ச் அளவிலான (729×1600 பிக்சல்கள்) ஐபிஎஸ் எல்சிடி டிஸ்ப்ளேவை வாட்டர் டிராப்-ஸ்டைல் நாட்ச் வடிவமைப்பின் கீழ் பெற்றுள்ளது. மேலும் இது 20: 9 விகித விகிதம் மற்றும் 269 பிபி பிக்சல் அடர்த்தி ஆகியவற்றை வழங்குகிறது.
இது 4 ஜிபி ரேம் உடன் ஜோடியாக 2.3GHz மீடியாடெக் ஹீலியோ பி 35 SoC ப்ராசஸர் மூலம் இயக்கப்படுகிறது. இதன் இன்டர்னல் மெமரி 64 ஜிபி ஆகும்.உடன் மைக்ரோ டி கார்டைப் பயன்படுத்தி 256 ஜிபி வரை நீடிக்கலாம்.
கேமரத்துறையை பொறுத்தவரை, இது ட்ரிபிள் ரியர் கேமரா அமைப்பை கொண்டுள்ளது. அதில் 16 மெகாபிக்சல் மெயின் ஸ்னாப்பர் (எஃப் / 2.0, பி.டி.ஏ.எஃப்) + 2 மெகாபிக்சல் மேக்ரோ லென்ஸ் (எஃப் / 2.4) + 2 மெகாபிக்சல் டெப்த் சென்சார் (எஃப் / 2.4) ஆழஆகியவைகளை கொண்டுள்ளது.
இது எச்டிஆர், பியூட்டி மோட், டூயல் கேமரா ப்ளர் எபெக்ட், டைமர், பனோரமா, கூகுள் லென்ஸ் ஒருங்கிணைப்பு போன்ற கேமரா அம்சங்களையும் கொண்டுள்ளது. முன்பக்கத்தில் ஒரு 8 மெகாபிக்சல் செல்பீ கேமரா (எஃப் / 2.0) உள்ளது.
மோட்டோ ஜி 8 பவர் லைட் ஸ்மார்ட்போனின் இந்த மொத்த அமைப்பும் 5,000 எம்ஏஎச் பேட்டரி மூலம் சக்தியூட்டப்படுகிறது. இது 10W சார்ஜிங் ஆதரவுடன் வருகிறது. நிறுவனத்தின்படி இது 19 மணிநேர வீடியோ பிளேபேக் மற்றும் 100 மணிநேர ஆடியோ பிளேபேக் வரை நீடிக்கும்.
இணைப்பு விருப்பங்களை பொறுத்தவரை, 4ஜி எல்டிஇ, மைக்ரோ-யூ.எஸ்.பி போர்ட், 3.5 மிமீ ஆடியோ ஜாக், ப்ளூடூத் வி 4.2, வைஃபை 802.11 பி / ஜி / என், ஜிபிஎஸ், ஏ-ஜிபிஎஸ் மற்றும் க்ளோனாஸ் ஆகியவைகளை கொண்டுள்ளது. அளவீட்டில் இது 164.94×75.76×9.2 மிமீ மற்றும் சுமார் 200 கிராம் எடையையும் கொண்டுள்ளது. பாதுகாப்பு மற்றும் அங்கீகாரத்திற்கான கைரேகை சென்சார் பின்புறத்தில் உள்ளது.
