ரிலையன்ஸ் இண்டஸ்ட்ரீஸ் தனது 43 வது வருடாந்திர பொதுக் கூட்டத்தை (ஏஜிஎம்) ஜூலை 15 ஆம் தேதி நடத்த உள்ளது. இந்நிகழ்வில் ஜியோ நிறுவனத்தின் மூன்றாம் தலைமுறை ஜியோ போன் ஆனா மாடலான ஜியோ போன் 3 அறிமுகம் செய்யப்படலாம் என்று ஊகங்கள் பரவி வருகின்றன.
ஏனெனில் முன்னதாக அறிமுகமான இரண்டு மாடல்களும் – ஜியோ போன் மற்றும் ஜியோ போன் 2 – முந்தைய ஆண்டுகளிலில் நடந்த ரிலையன்ஸ் இண்டஸ்ட்ரீஸ் ஏஜிஎம்களில் தான் அறிவிக்கப்பட்டன. எனவே 2020 ஆம் ஆண்டு ரிலையன்ஸ் இண்டஸ்ட்ரீஸ் ஏஜிஎம்-இல் ஜியோ போன் 3 அறிமுகம் ஆகலாம் என்கிற எதிர்பார்ப்பு அவ்வளவு முட்டாள்தமான ஒரு ஊகமாக தெரியவில்லை.
நினைவூட்டும் வண்ணம், முதல் ஜியோ போன் ஆனது ஜூலை 21, 2017 அன்று நடந்த 40 வது ரிலையன்ஸ் வருடாந்திர பொதுக் கூட்டத்தில் ரூ 0 என்ற “பயனுள்ள” விலையின் கீழ் முகேஷ் அம்பானி
அறிமுகப்படுத்தினார், இதை வாங்குபவர்கள் முதலில் ரூ .1,500 செலுத்த வேண்டி இருந்தது என்பதும் இங்கே குறிப்பிடத்தக்கது.
மறுகையில் உள்ள ஜியோ போன் 2 ஆனது 2018 ஆம் ஆண்டு ஜூலை 31 ஆம் தேதி நடைபெற்ற நிறுவனத்தின் 41 வது ஏஜிஎம்மில் வெளியிடப்பட்டது. ஜியோ போன் 2 ரூ.2999 க்கு அறிமுகப்படுத்தப்பட்டது.
ஜியோ போன் 3 மாடலின் அம்சங்கள்:
கடந்த கால அறிமுக தேதிகளை வைத்து பார்க்கும் போது, இந்நிறுவனம் ரிலையன்ஸ் ஜியோ போனின் மூன்றாம் பதிப்பை நாளை அறிமுகப்படுத்த அதிக வாய்ப்புள்ளது. இருப்பினும் தற்போது வரையிலாக ஜியோ போன் 3 மாடலின் அம்சங்கள், விவரக்குறிப்புகள் மற்றும் விலை நிர்ணயம் குறித்து இதுவரை எந்த விவரங்களும் கிடைக்கவில்லை.
இருப்பினும் எங்களிடம் சில எதிர்பார்க்கப்படும் தகவல்கள் உள்ளன. அதன்படி ரிலையன்ஸ் ஜியோ போன் 3 ஆனது ஆண்ட்ராய்டு வி 8.1 (ஓரியோ) இயக்க முறைமையின் கீழ் இயங்கலாம் மற்றும் இந்த போன் குவாட் கோர், 1.4 ஜிகாஹெர்ட்ஸ் ப்ராசஸர் மூலம் இயக்கப்படலாம். அதாவது இது மீடியாடெக் சிப்செட்டின் கீழ் இயங்கும். இது 2 ஜிபி ரேம் மற்றும் 64 ஜிபி இன்டர்னல் ஸ்டோரேஜை கொண்டுருக்கலாம்.
தவிர ரிலையன்ஸ் ஜியோ போன் 3 மாடலில் ஐபிஎஸ் எல்சிடி டிஸ்ப்ளே, எச்டி (720 x 1280 பிக்சல்கள்) மற்றும் 294 பிபிஐ பிக்சல் அடர்த்தி, 2 எம்பி செல்பீ கேமரா, டிஜிட்டல் ஜூம் போன்ற அம்சங்களுடன் 5 எம்பி ரியர் கேமரா, 2800 mAh பேட்டரி, வைஃபை, ப்ளூடூத், ஜி.பி.எஸ், வோல்ட் மற்றும் பல அம்சங்களை கொண்டிருக்கலாம்.
ஜியோ போன் 3 மாடலின் விலை:
இந்தியாவில் ரிலையன்ஸ் ஜியோ போன் 3 ஆனது ரூ.1,998 க்கு அறிமுகமாகலாம் என்று எதிர்பார்க்கப்படுகிறது. ஆண்டின் மற்ற எல்லா நிகழ்வுகளை போல் இல்லாமல், நாளை நடக்கும் ஏஜிஎம் ஆனது நிறுவனத்தின் முதல் ஆன்லைன் ஏஜிஎம் ஆகும் என்பதும் குறிபிடத்தக்கது.
