எனவே ரியல்மி நிறுவனத்தின் சமீபத்திய ஸ்மார்ட் டிவி மாடல்களை வாங்குவது தான் புத்திசாலிதனம். இவைகள் இன்று இந்தியாவில் விற்பனைக்கு வருகின்றன. என்ன விலை, என்னென்ன சலுகைகள், என்னென்ன அம்சங்கள், இதோ முழு விவரங்கள்.
ரியல்மி நிறுவனத்தின் சமீபத்திய ஸ்மார்ட் டிவி மாடலான ரியல்மி டிவி இந்தியாவில் இன்று விற்பனைக்கு வருகிறது. இது ரியல்மி எக்ஸ் 3, ரியல்மி எக்ஸ் 3 சூப்பர்ஜூம் மற்றும் ரியல்மி நார்சோ 10 போன்ற ஸ்மார்ட்போன்களுடன் இன்று இந்தியாவில் மதியம் 12 மணிக்கு (நண்பகல்) ரியல்மி இந்தியா தளம் மற்றும் பிளிப்கார்ட் வழியாக வாங்க கிடைக்கும்.
ரியல்மி இந்தியா தளம் இந்த விற்பனையில் எக்ஸ்சேன்ஜ் சலுகையை பட்டியலிட்டுள்ளது, ஆர்வமுள்ள வாடிக்கையாளர்கள் அதை பயன்படுத்திக்கொள்ளலாம்.
விலை நிர்ணயத்தை பொறுத்தவரை 32 இன்ச் ரியல்மி ஸ்மார்ட் டிவி ஆனது ரூ.12,999 க்கும், அதன் 43 இன்ச் மாடல் ரூ.21,999 க்கும் வாங்க கிடைக்கும். ஒரு வருட காலம் உத்தரவாதத்துடன் வரும் இந்த ஸ்மார்ட் டிவியின் பேனலுக்கு கூடுதலாக ஒரு வருட உத்தரவாதமும் கிடைக்கிறது.
ரியல்மி ஸ்மார்ட் டிவியின் அம்சங்கள்:
புதிய ரியல்மி ஸ்மார்ட் டிவி இரண்டு அளவுகளில் கிடைக்கிறது, அளவின் மாறுபாட்டைப் பொறுத்து ஸ்க்ரீன் ரெசல்யூஷனை கொண்டுள்ளது. இதன் 32 இன்ச் ரியல்மி ஸ்மார்ட் டிவி ஆனது 1366×768 பிக்சல்கள் (எச்டி-ரெடி) ரெசல்யூஷனை கொண்டுள்ளது.
மறுகையில் உள்ள இதன் 43 இன்ச் மாடலானது 1920×1080 பிக்சல்கள் (முழு-எச்டி) ரெசல்யூஷனை கொண்டுள்ளது. ஸ்க்ரீன் அளவு மற்றும் ரெசல்யூனைத் தவிர, இந்த இரண்டு வகைகளுமே ஒரே மாதிரியான அம்சங்களையே கொண்டுள்ளன. அவைகள்:
- ஆண்ட்ராய்டு டிவிக்கான கூகிள் பிளே ஸ்டோருக்கான அணுகல்
- ஆண்ட்ராய்டு டிவி 9 பை
- ப்ரீ இன்ஸ்டால்டு நெட்ஃபிக்ஸ், அமேசான் பிரைம் வீடியோ மற்றும் யூடியூப் ஆப்ஸ்
- 400 நிட்ஸ் ப்ரைட்னஸ்
- எச்டிஆர் 10 ஆதரவு
- 1 ஜிபி ரேம்
- பயன்பாடுகளுக்கான 8 ஜிபி இன்டர்னல் மெமரி
- மீடியாடெக் எம்.எஸ்.டி 6683 ப்ராசஸர்
- 24W மதிப்பிடப்பட்ட சவுண்ட் அவுட்புட்ட்டை கொண்ட நான்கு ஸ்பீக்கர் அமைப்பு.
- ஸ்பீக்கர் சிஸ்டத்தில் இரண்டு புல்-ரேன்ஜ் ட்ரைவர்ஸ் மற்றும் இரண்டு ட்வீட்டர்கள்
- டால்பி ஆடியோ ஆதரவு
- ப்ளூடூத் 5.0 ஆதரவு மற்றும் பல.
