கர்நாடக இசைப் பாடகர் பத்மபூஷண் பி.எஸ். நாராயணசாமி, சென்னை மைலாப்பூரிலுள்ள அவரது இல்லத்தில் வெள்ளிக்கிழமை இரவு காலமானார். அவருக்கு வயது 86.
கடந்த சில நாள்களாக உடல்நிலை சரியில்லாமல் இருந்த நிலையில் வெள்ளிக்கிழமை இரவு அவர் காலமானார்.
மறைந்த பி.எஸ். நாராயணசாமிக்கு மனைவி வசந்தா மற்றும் மூன்று மகள்கள் உள்ளனர்.
அவருடைய மறைவுச் செய்தி அறிந்த இசையுலகினர் பலரும் தங்களுடைய இரங்கலைத் தெரிவித்து வருகிறார்கள்.
புகழ்பெற்ற கர்நாடக இசைப் பாடகரான பி.எஸ். நாராயணசாமியின் முதல் குரு முடிகொண்டன் வெங்கட்ராம ஐயர். திருப்பாம்பரம் சோமசுந்தரம் பிள்ளை, டி.எம். தியாகராஜன், பின்னர் செம்மங்குடி சீனிவாச ஐயர் ஆகியோரிடமிருந்து இசையைக் கற்றுக்கொண்டார்.
செம்மங்குடி சீனிவாச ஐயரின் பாணி அவரது பாடல்களில் தெளிவாகக் காணப்பட்டாலும், அவர் தனக்கென ஒரு பாணியை உருவாக்கிப் பாடியவர். அவரது பாடலில் ராக தெளிவு, ஸ்ருதி மற்றும் ஸ்வரஸ்தானாவின் தூய்மை இடம் பெற்றிருக்கும்.
“பிஎஸ்என் சர்” என அனைவராலும் அன்பாக அழைக்கப்பட்ட பி.எஸ். நாராயணசாமி, தனது 15 ஆவது வயதில் பொது மற்றும் அகில இந்திய வானொலி மூலம் இசை நிகழ்ச்சிகளை வழங்கினார்.
அவரது குடும்பத்தில் இருந்து வேறு யாரும் இசையில் ஈடுபடவில்லை என்பது சுவாரஸ்யமானது; அவரது சகோதரர் ஒரு பொறியாளர் மற்றும் சகோதரி ஒரு மருத்துவர்.
அவருக்கு 12 வயதில் பாலா கானா கலா ரத்னம் விருது வழங்கப்பட்டது. 1999 ஆம் ஆண்டில் மியூசிக் அகாதெமி அவருக்கு ‘சங்கீதா கலா ஆச்சார்ய’ என்ற பட்டம் வழங்கியது.
2003 இல் இந்திய அரசு பத்ம பூஷண் விருது வழங்கிப் பெருமைப்படுத்தியது.
