கொரோனா வைரஸ் தொற்றாலும் தொடர்ச்சியான ஊரடங்காலும் மக்கள் நிறைய பேர் மன அழுத்தத்தை சந்தித்து வருகிறார்கள். ஒரு கணக்கெடுப்பின்படி, 38% பெரியவர்கள் மன அழுத்தத்தின் போது ஆரோக்கியமற்ற உணவுகளை அல்லது அதிகப்படியான உணவை சாப்பிடுகிறார்கள் என்பது தெரிய வந்துள்ளது. நீங்கள் மன அழுத்தத்தில் இருக்கும் போது எதையாவது சாப்பிட வேண்டும் என்று தோன்றினால் கூட ஆரோக்கியமான உணவுகளை தேர்ந்தெடுப்பது அவசியம். இல்லையென்றால் அது வேறு மாதிரியான உடல் உபாதைகளை ஏற்படுத்த நேரிடலாம். ஆரோக்கியமற்ற
உணவுகள் கூட உங்க மனநிலையை எதிர்மறையாக பாதிக்கும்.
அதிக கொழுப்பு உணவுகள்
அதிக கொழுப்பு உட்கொள்ளலுடன் மன அழுத்தம் தொடர்புடையதாக ஆராய்ச்சி காட்டுகிறது. மன அழுத்தம் காரணமாக நமது உடலில் கார்டிசோல் என்ற ஹார்மோன் அதிகரிக்கிறது. இதனால் பசி அதிகரிக்கிறது. இதனால் குறைந்த ஊட்டச்சத்து உணவுகள், கலோரிகள் அதிகமாக கொண்ட வறுத்த, உப்பு அல்லது இனிப்பு உணவுகளை எடுத்துக் கொள்ளும் போது பிரச்சனைகள் இன்னும் மோசமாக வாய்ப்பு உள்ளது.
ஆக்ஸிஜனேற்ற அழுத்தம், வீக்கம் மற்றும் இன்சுலின் எதிர்ப்பு போன்ற காரணிகள் மன அழுத்தத்துடன் தொடர்புடைய மூளை மாற்றங்களைத் தூண்டுகிறது. எனவே மன அழுத்தத்தை குறைக்க ஆரோக்கியமான உணவு உதவுகிறது. எனவே தேர்ந்தெடுக்கும் உணவுகளில் நீங்கள் கவனமாக இருந்தால் உங்க மனநிலையில் ஏற்படும் தாக்கத்தை சரி செய்ய முடியும்.
ஆண்களுக்கும் பெண்களுக்கும் எவ்வாறு வேறுபடுகிறது
ஊட்டச்சத்து நரம்பியல் இதழில் வெளியிடப்பட்ட ஆய்வின்படி, மோசமான உணவுப் பழக்கத்திற்கு ஆண்களும் பெண்களும் வெவ்வேறு பதில்களை கூறினார்கள். ஆண்கள் மன உளைச்சல் காரணமாக ஆரோக்கியமற்ற உணவுகளை எடுத்துக் கொண்டதாக கூறினர். பெண்களுக்கு ஏற்கனவே மன வலிமை அதிகம் என்பதால் அவர்கள் ஆரோக்கியமற்ற உணவுப் பழக்கத்தை பின்பற்றாவிட்டாலும் ஆண்களை விட பெண்களுக்கு மனநல
பாதிப்பு குறைவு.
இருப்பினும் இரு பாலினருக்கும் ஆரோக்கியமான உணவுப் பழக்கமும் உடற்பயிற்சியும் அவசியம். பெண்கள் உணவு முறை மற்றும் உடற்பயிற்சியில் அதிகம் கவனம் செலுத்த வேண்டியுள்ளது. காரணம் உணவு மாற்றங்கள் எளிதாக அவர்களது உடல் எடையை அதிகரித்து விடுகிறது. அதே மாதிரி பெண்களின் மூளைப்பகுதி நரம்பு இணைப்புகள் ஆரோக்கியமான உணவை பொருத்து அதன் செயலாக்கம் உள்ளது. எனவே பெண்கள் ஆரோக்கியமான மனநிலையை பின்பற்ற ஆரோக்கியமான உணவையும் எடுத்துக் கொள்ள வேண்டும்.
மனநிலையை மேம்படுத்தக் கூடிய சிறந்த உணவுகள்
2018 ஆம் ஆண்டு நடந்த ஆராய்ச்சி படி மத்திய தரைக்கடல் உணவுகள் நம் மன ஆரோக்கியத்தில் மிகச்சிறந்த நன்மைகளை அளிக்கிறது என்று கூறுகிறது. நிறைய மீன், பாதாம் பருப்பு , காய்கறிகள் மற்றும் பழங்களை உள்ளடக்கிய ஒரு கடுமையான மத்திய தரைக்கடல் உணவைப் பின்பற்றியவர்கள் மேற்கத்திய உணவு முறைகளை பின்பற்றியவர்களுடன் ஒப்பிடும் போது 33% குறைவான மனச்சோர்வு ஆபத்தை பெற்றுள்ளனர். பதப்படுத்தப்பட்ட இறைச்சிகள், டிரான்ஸ் கொழுப்புகள், ஆரோக்கியமற்ற கார்ப்ஸ் மற்றும் ஆல்கஹால் ஆகியவற்றில் மனச்சோர்வை ஏற்படுத்துவதற்கான திறன் அதிகமாகவே இருந்தது.
முடிவு
ஆரோக்கியமான, சீரான உணவை உட்கொள்வது மற்றும் இயற்கையுடன் நேரத்தை செலவிடுவது நல்வாழ்வை மேம்படுத்தவும் மன அழுத்தத்தை போக்கவும் உதவுகிறது. எனவே அடுத்த தடவை மன அழுத்தத்தால் அதிகமாக சாப்பிடுவதை தவிர்த்து ஆரோக்கியமான உணவுகளை தேர்ந்தெடுங்கள். உடல் செயல்பாடுகளில், வேலைகளில் சுறுசுறுப்பாக ஈடுபடுங்கள். இது உங்க மன அழுத்தத்தை போக்க உதவி செய்யும். அதே நேரத்தில் உங்க தொப்பையை குறைத்து உடல் எடையையும் கட்டுக்குள் வைத்து இருங்கள். நம்பிக்கையுடன் நடைபோடுங்கள்.
