சின்னத்திரை நடிகை தற்கொலை வழக்கில் அவரது கணவர் ஹேம்நாத்திற்கு நிபந்தனை ஜாமீன் வழங்கப்பட்டுள்ளது.
சின்னத்திரை நடிகை சித்ரா கடந்த ஆண்டு டிசம்பர் மாதம் தற்கொலை செய்து கொண்டாா்.
இந்தச் சம்பவம் குறித்து வழக்குப்பதிவு செய்த நசரத்பேட்டை போலீஸாா், சித்ராவை தற்கொலைக்கு தூண்டியதாக அவரது கணவா் ஹேம்நாத்தை கைது செய்தனா்.
அதையடுத்து ‘கடந்த ஆகஸ்ட் மாதம் சித்ராவும் நானும் பதிவுத் திருமணம் செய்து கொண்டோம். எனக்கும் சித்ராவுக்கும் எந்தவிதமான கருத்து வேறுபாடும் இல்லை.
அவரது தற்கொலைக்கு நான் காரணம் இல்லை. எனவே ஜாமீன் வழங்க வேண்டும்’ என்று கோரி சென்னை உயா்நீதிமன்றத்தில் ஹேம்நாத் மனு தாக்கல் செய்தாா்.
இந்த வழக்கு கடந்தமுறை விசாரணைக்கு வந்தபோது, போலீஸாா் தரப்பில் , சித்ரா தற்கொலை வழக்கு சென்னை மத்திய குற்றப்பிரிவு போலீஸ் விசாரணைக்கு மாற்றப்பட்டுள்ளது.
இதுவரை 13 சாட்சிகள் விசாரிக்கப்பட்டுள்ளனா். மேலும் சித்ரா தூக்கிட்டு தற்கொலை செய்து கொண்டதாக நிபுணா் குழு அறிக்கை அளித்துள்ளது என தெரிவிக்கப்பட்டு, நிபுணா் குழு அறிக்கை தாக்கல் செய்யப்பட்டிருந்தது.
இதனையடுத்து வழக்கின் விசாரணை அறிக்கையை தாக்கல் செய்ய உயா்நீதிமன்றம் உத்தரவிட்டிருந்தது.
இந்த வழக்கு நீதிபதி வி.பாரதிதாசன் முன் விசாரணைக்கு வந்தது. அப்போது போலீஸாா் தரப்பில், சித்ராவின் நடத்தையில் ஹேம்நாத் சந்தேகப்பட்டதால் தான் தற்கொலை செய்து கொண்டாா். சித்ராவின் நகங்கள் பகுப்பாய்வுக்கு அனுப்பப்பட்டுள்ளன.
தொலைபேசி உரையாடல்கள் தடயவியல் ஆய்வுக்கு அனுப்பப்பட்டுள்ளதாக காவல் துறை தரப்பில் தெரிவிக்கப்பட்டது.இந்த ஆய்வின் அறிக்கைகள், வரும் பிப்ரவரி 10-ஆம் கிடைத்துவிடும் என எதிா்பாா்ப்பதாக தெரிவிக்கப்பட்டது.
இதனைப் பதிவு செய்துகொண்ட நீதிபதி, விசாரணையை வரும் பிப்ரவரி 11-ஆம் தேதிக்கு ஒத்திவைத்தாா்.
இந்நிலையில் சின்னத்திரை நடிகை தற்கொலை வழக்கில் அவரது கணவர் ஹேம்நாத்திற்கு சென்னை உயர்நீதிமன்றம் ஜாமின் வழங்கி உள்ளது.
கைது செய்யப்பட்டு 60 நாட்கள் கடந்தும் குற்றப்பத்திரிகை தாக்கல் செய்யப்படாததால் அவருக்கு சென்னை உயர்நீதிமன்றத்தால் நிபந்தனை ஜாமீன் வழங்கப்பட்டுள்ளது.
