தளபதி விஜய் நடிப்பில் இயக்குனர் நெல்சன் இயக்கவிருக்கும் ’தளபதி 65’ திரைப்படத்தின் பூஜை இன்று காலை நடைபெற்றது என்பதும் இந்த பூஜை சம்பந்தமான புகைப்படங்கள் சன் பிக்சர்ஸ் நிறுவனத்தின் டுவிட்டர் பக்கத்தில் வெளியாகி வைரல் ஆனது என்பதும் தெரிந்ததே. இன்று பூஜை நடைபெற்றதை அடுத்து விரைவில் படப்பிடிப்பு தொடங்கும் என்று எதிர்பார்க்கப்படுகிறது.
இந்த நிலையில் இன்றைய பூஜையில் கலந்து கொண்டவர்களில் ஒருவர் நடிகை அபர்ணா தாஸ். இவர் ’தளபதி 65’படத்தில் நடிக்கிறாரா? என்ற கேள்வி எழுந்த நிலையில் தற்போது இதற்கு பதில் கிடைத்துள்ளது.
தளபதி 65 படத்தில் அபர்ணதாஸ் முக்கிய வேடத்தில் நடிக்க உள்ளாராம். ஏற்கனவே பூஜா ஹெக்டே இந்த படத்தில் நாயகியாக நடிக்க இருக்கும் நிலையில் நாயகிக்கு இணையான கேரக்டரில் அபர்ணதாஸ் நடிக்க உள்ளதாக கூறப்படுகிறது.
நடிகை அபர்ணதாஸ் ஏற்கனவே மலையாளத்தில் இரண்டு சூப்பர் ஹிட் படங்களில் நடித்தவர் என்பது குறிப்பிடத்தக்கது. கடந்த 2018 ஆம் ஆண்டு வெளியான நிசான் பிரகாஷன் மற்றும் 2019ஆம் ஆண்டு வெளியான மனோகரம் ஆகிய இரண்டு படங்களிலும் இவர் நடித்துள்ளார் என்பதும் இந்த இரண்டு படங்களும் மலையாளத்தில் சூப்பர் ஹிட் என்பது குறிப்பிடத்தக்கது.
இந்த நிலையில் தமிழில் முதல் திரைப்படத்திலேயே விஜய் படத்தில் அவருக்கு நடிக்க வாய்ப்பு கிடைத்துள்ளது என்பது குறிப்பிடத்தக்கது.
