13 மளிகை பொருட்கள் வழங்க இன்றுமுதல் டோக்கன் விநியோகம்..!!

நியாயவிலைக் கடைகளில் குடும்ப அட்டைகளுக்கு 13 வகையான மளிகைப் பொருட்கள் வழங்குவதற்கான டோக்கன் இன்று முதல் வழங்கப்படுகிறது.

கொரோனா நிவாரண தொகையாக குடும்ப அட்டைதாரர்களுக்கு முதற்கட்டமாக 2 ஆயிரம் ரூபாய் வழங்கப்பட்ட நிலையில், கோதுமை மாவு, உப்பு, ரவை, புளி உள்ளிட்ட 13 வகையான மளிகைப் பொருட்கள் கொண்ட தொகுப்பு வரும் 5-ஆம் தேதி முதல் வழங்கப்பட உள்ளன.

நியாயவிலைக் கடைகளில் கூட்டம் கூடுவதை தவிர்க்க, டோக்கன் அடிப்படையில் மளிகைப் பொருட்கள் தொகுப்பை வழங்க அரசு அறிவுறுத்தியுள்ளது.

இதையடுத்து வீடு, வீடாக சென்று டோக்கன் வழங்கும் பணிகள் இன்று முதல் தொடங்கியுள்ளன. 4 நாட்கள் டோக்கன் வழங்கும் பணிகள் நடைபெறும் என்றும், சனிக்கிழமை முதல் மளிகைப் பொருட்களை வழங்கப்படும் என்றும் தமிழக அரசு தெரிவித்துள்ளது.

உங்கள் கருத்துக்களை தெரிவிக்கலாமே