உலகளவில் நிறைய குழந்தைகள் நிமோனியா என்ற சுவாச நோயால் இறந்து வருகிறார்கள். நுரையீரலை தாக்கும் இந்த நோயை கட்டுக்குள் வைக்க சில வகை உணவுகள் நமக்கு உதவுகிறது. அந்த உணவுகள் குறித்து இந்த தொகுப்பில் பார்க்கலாம்.
நிமோனியா காய்ச்சல் அதிகமாக குழந்தைகளை தாக்கக் கூடிய பாதிப்பு ஆகும். இந்த பாதிப்பால் நிறைய குழந்தைகள் இறக்கிறார்கள். நிமோனியா என்பது குழந்தைகளின் நுரையீரலை பாதிக்கக் கூடிய நோயாகும். நிமோனியா உள்ளவர்களுக்கு சிறிய காற்றுப் பைகளில் சீழ் பிடிப்பதால் மூச்சுத்திணறல் ஏற்படுகிறது.இது பொதுவாக அல்வியோலி என அழைக்கப்படுகிறது. இருமல், மூச்சுத் திணறல், காய்ச்சல், நெஞ்சு வலி, பசியின்மை, மலச்சிக்கல் போன்றவை நிமோனியாவின் அறிகுறிகள் ஆகும். இது பாக்டீரியா, பூஞ்சை மற்றும் வைரஸால் ஏற்படும் நோயாகும். பலவீனமான நோயெதிர்ப்பு அமைப்பு இருப்பதால் 65 வயதுக்கு மேற்பட்ட குழந்தைகள் மற்றும் வயதானவர்கள் நிமோனியாவால் பாதிப்படைகின்றனர். இதன் அறிகுறிகளை கண்டு கொள்ளாமல் அப்படியே விட்டு விட்டால் உயிரையே பறித்து விடும்.
காய்ச்சல்
மாதிரி கோவிட் 19 ம் நிமோனியாவைப் போலவே சுவாசக் குழாய் நோய்க்குறியை உருவாக்குகிறது. இதனால் நோயாளிகளுக்கு செயற்கை சுவாசக் கருவி பொருத்த வேண்டியது அவசியம் ஆகிறது. எனவே இந்த மாதிரியான நிமோனியா போன்ற சுவாச நோய் பாதிப்பை சரி செய்ய மருத்துவமனை சிகச்சைகள் அவசியமாகிறது.
இருப்பினும் சில ஆரோக்கியமான உணவுகளை நீங்கள் எடுத்துக் கொண்டால் உங்க உடல் நிலையை மேம்படுத்த முடியும். நோயெதிரிப்பு அமைப்பை வலுவாக்க முடியும். சில ஊட்டமளிக்கும் உணவுகள் நோய் முக்கியமான கட்டத்திற்கு செல்ல விடாமல் தடுக்க உதவும். நிமோனியா போன்ற சுவாச நோய் பாதிப்பிலிருந்து காக்கக் கூடிய உணவுகள் இதோ.
முழு தானியங்கள்
குயினோவா, பிரவுன் ரைஸ், ஓட்ஸ், பார்லி போன்ற முழு தானியங்கள் கார்போஹைட்ரேட் மற்றும் பி-வைட்டமின்கள் நிறைந்தவை. நிமோனியா போன்ற பாதிப்பு இருக்கும் சமயங்களில் இது நம் உடலுக்கு தேவையான ஆற்றலை அளிக்கிறது. மேலும் உடல் வெப்பநிலையை கட்டுக்குள் வைக்க உதவுகிறது. கூடுதலாக, இந்த தானியங்களில் உள்ள செலினியம் உங்கள் நோய் எதிர்ப்பு சக்தியை அதிகரிக்கும்.
புரதம் நிறைந்த உணவுகள்
நிமோனியாவால் பாதிக்கப்பட்டவர்கள் புரதம் நிறைந்த உணவுகளை எடுத்துக் கொள்ள வேண்டும். பருப்புகள், விதைகள், பீன்ஸ், வெள்ளை இறைச்சி மற்றும் குளிர்ந்த நீர் மீன்கள் போன்ற புரதச்சத்து நிறைந்த உணவு அழற்சி எதிர்ப்பு பண்புகளைக் கொண்டுள்ளது.. நுரையீரலில் சேதமடைந்த திசுக்களை சரி செய்யவும், உடலில் புதிய திசுக்களை உருவாக்கவும் இந்த உணவுகள் உதவுகின்றன
பச்சை இலை காய்கறிகள்
கீரைகள் மற்றும் பச்சை இலை காய்கறிகள் நுரையீரலை பாதிக்கும் நோய்த்தொற்றை விரட்டுகிறது. இதில் நிறைய ஆன்டி ஆக்ஸிடன்கள் உள்ளன. இதனால் உடலை தாக்கும் கிருமிகளிடம் இருந்து நம்மை பாதுகாக்கிறது.
சிட்ரஸ் வகை உணவுகள்
ஆரஞ்சு, பெர்ரி, கிவி போன்ற வைட்டமின் சி நிறைந்த பழங்கள் உங்கள் நோயெதிர்ப்பு சக்தியை அதிகரிக்க உதவுகிறது. அவற்றில் உள்ள ஆன்டிஆக்ஸிடன்ட்கள் தொற்றுநோய்களை ஏற்படுத்தும் நோய்க்கிருமிகளிலிருந்து உங்கள் உடலைப் பாதுகாக்க உதவும்.
யோகார்ட்
தயிரில் காணப்படும் புரோபயாடிக்குகள் நிமோனியாவை ஏற்படுத்தும் நோய்க்கிருமியின் வளர்ச்சியைத் தடுக்கிறது. அத்துடன் உங்கள் குடலில் உள்ள நல்ல பாக்டீரியாக்களை அதிகரிப்பதன் மூலம் உங்கள் நோய் எதிர்ப்பு சக்தியை அதிகரிக்க முடியும். இதனால் நோயிலிருந்து நம்மை பாதுகாக்க முடியும்.
