இன்றைய நாள் (14.08.2020) உங்களுக்கு எப்படி இருக்கும்..? 12 ராசிகளுக்கான பலன்கள் இதோ..!!

மேஷம் முதல் மீனம் வரையிலான 12 ராசிக்காரர்களுக்கும் இன்றைய நாள் எப்படி இருக்கும் விவரங்கள் பின்வருமாறு:

மேஷ ராசி:

மேஷ ராசி அன்பர்களுக்கு இன்றைய நாள் மிகச் சிறந்த நல்ல நாள் ஆகும். நீங்கள் எடுக்கும் எல்லா முயற்சிகளும் வெற்றி அடையும். உடல் நலம் நன்றாக இருந்து வரும். திருமண முயற்சிகள் வெற்றியில் முடியும். கணவன் மனைவி உறவு நன்றாக இருக்கும்.

குடும்பத்தில் அமைதி தவழும். ஒரு சிலருக்கு சொத்துக்கள் வாங்குவது, வீடு கட்டுவது போன்ற சுப காரியங்களில் ஈடுபட வாய்ப்பு உள்ளது. இது சம்பந்தப்பட்ட சிந்தனைகள் மனதை ஆட்கொள்ளும். வாகன வகையில் ஆதாயமடைவீர்கள்.

குடும்பத்தில் உள்ள மூத்தவர்களுடன் உறவு நிலை நன்றாக இருக்கும். புதிய தொழில் முயற்சிகள் வெற்றியடையும். உத்தியோகத்தில் இருப்பவர்கள் உயர்நிலையை அடைவார்கள். மன நிம்மதி கிடைக்கும்.

புதிய நண்பர்கள் அறிமுகமாவார்கள். நண்பர்கள் மற்றும் உறவினர்களால் ஆதாயமும், மன மகிழ்ச்சியும் உண்டாகும். மாணவர்களின் கல்வித் திறன் நன்றாக வெளிப்படும். காதல் தொடர்பான விஷயங்களில் ஈடுபட்டிருப்பவர்களுக்கு மன மகிழ்ச்சியான நிகழ்வுகள் உண்டு.

​ரிஷப ராசி:

ரிஷப ராசி நண்பர்களுக்கு இந்த நாள் இனிய நாள் ஆகும். நீங்கள் எடுக்கும் எல்லா முயற்சிகளும் வெற்றி அடையும். குடும்பத்தில் உள்ள இளையவர்களுடன் ஒற்றுமை நன்றாக இருக்கும்.

பெண்களுக்கு மிக நல்ல நாள் ஆகும். ஆடை, ஆபரணச்சேர்க்கை சேர்வதற்கு வழி வகை உண்டு. திருமணம் போன்ற சுபகாரிய முயற்சிகள் வெற்றியடையும். கணவன் மனைவி ஒற்றுமை சிறப்பாக இருந்து வரும். புதிய நண்பர்கள் அறிமுகமாவார்கள்.

உத்தியோகத்தில் இருப்பவர்களுக்கு நிர்வாகத்தில் உங்களுடைய மதிப்பும், மரியாதையும் உயர்வதற்கு வாய்ப்பு உண்டு. சொந்த தொழில் செய்பவர்களுக்கு பல புதிய தொழில் வாய்ப்புகள் உங்கள் கண்முன் அணிவகுக்கும். பொருளாதாரத்தில் சிறிய அளவில் பற்றாக்குறை இருந்தாலும் வெற்றிகரமாக அவற்றை எதிர்கொண்டு சமாளிப்பீர்கள்.

​மிதுன ராசி:

மிதுன ராசி நண்பர்களுக்கு இன்றைய நாள் மிகச் சிறந்த நாளாகும். தன வரவுக்கு வழி உண்டு. நீண்ட நாள் எதிர்பார்த்து இருந்த பணம் வந்து சேரும். சுபச் செலவுகள் கை மீறி செல்லும். சிக்கனத்தை கடைபிடிப்பது சிரமம்.

சொந்தத் தொழில் செய்பவர்களுக்கு நல்ல முன்னேற்றம் உண்டாகும். வெளியூர் பிரயாணங்கள் வெற்றி தருவதாக அமையும். அரசு தொடர்பான வேலைகள் முடிவடையும்.

வழக்கு சம்பந்தப்பட்ட காரியங்களில் உள்ளவர்களுக்கு வெற்றி கிடைக்கும். திருமணப் பேச்சு வார்த்தைகள் நன்மையில் முடியும். நீண்ட நாட்களாக முடிவடையாமல் தேங்கியிருந்த பல வேலைகள் நல்லபடியாக முடியும். கணவன் மனைவி ஒற்றுமை நன்றாக இருக்கும். குடும்பத்தில் அமைதி தவழும். குழந்தைகள் மன மகிழ்ச்சி உண்டாகும். கல்வியில் ஏற்றம் கிடைக்கும் நல்ல நாளாகும்.

கடக ராசி:

கடக ராசி நண்பர்களுக்கு இன்றைய நாள் இனிய நாளாக இருக்கிறது. நீங்கள் எதிர்பார்த்துக் கொண்டிருந்த பண உதவி நீண்ட நாட்களாக வசூலாகாமல் இருந்த பணம் திரும்பப் பெறுதல் போன்ற நல்ல நிகழ்வுகள் உண்டு. பொருளாதாரத்தில் ஏற்றம் உண்டாகும்.

குடும்பத்தில் உள்ள மூத்தவர்களுடன் ஒற்றுமை நன்றாக இருக்கும். சகோதர சகோதரிகளுடன் இருந்து வந்த கருத்து வேறுபாடுகள் மறையும். உத்தியோகத்தில் இருப்பவர்கள் நல்ல நிலையை அடைவார்கள். நிர்வாகத்தில் நல்ல பெயர் கிடைக்கும்.

புதிய தொழில் முயற்சிகளில் ஈடுபட்டு உள்ளவர்களுக்கு வெற்றி கிடைக்கும். வேலை தேடிக் கொண்டிருப்பவர்கள் நல்ல செய்திகள் கிடைக்கப் பெறுவார்கள். மாணவர்களுக்கு கல்வி நிலை நன்றாக இருக்கும். உயர்கல்வி படிக்க கூடியவர்களுக்கு முன்னேற்றமான ஒரு நாளாக இருப்பதால் ஆராய்ச்சிக் கல்வியில் இருப்பவர்கள் வெற்றி பெறுவார்கள். பல முக்கிய முடிவுகளை சந்திப்பீர்கள்.

​சிம்ம ராசி:

சிம்ம ராசி நண்பர்களுக்கு இன்றைய நாள் இனிய நாள் ஆகும். நீங்கள் எடுக்கும் எல்லா முயற்சிகளும் வெற்றி அடையும். பொருளாதாரத்தில் ஏற்றத்தை காண்பீர்கள். சுயதொழில் செய்து கொண்டிருப்பவர்களுக்கு பல புதிய வாய்ப்புகள் கிடைக்கும். எதிர்பார்த்த தனவரவு உண்டாகும்.

அரசு துறையில் எதிர்பார்த்த காரியங்கள் எளிதில் முடிவடையும். வழக்கு, வியாஜ்ஜியங்களில் இருப்பவர்களுக்கு வெற்றி கிடைக்கும். மாணவர்களின் கல்வித் திறன் மேம்படும்.

மாணவர்களின் கல்வி மேம்படும். கணவன்-மனைவி ஒற்றுமை நன்றாக இருக்கும். சொத்துக்கள் வாங்குவது மற்றும் விற்பது தொடர்பான காரியங்களில் ஈடுபட்டு இருப்பவர்களுக்கு வெற்றி உண்டாகும். ஆதாயம் பெறுவார்கள்.

​கன்னி ராசி:

கன்னி ராசி நண்பர்களுக்கு இன்றைய நாள் மிகச்சிறந்த பலன்களை கொடுக்கும். கல்வியில் நல்ல முன்னேற்றம் உண்டாகும். உயர்கல்விக்காக வெளிநாடு செல்லும் வாய்ப்புகள் கைவரப் பெறுவீர்கள்.

வெளிநாடுகளில் வசிப்பவர்களுக்கு தாய் நாடுகளிலிருந்து நல்ல செய்திகள் கிடைக்கப் பெறுவீர்கள். வெளிநாடுகளில் இருந்து தனவரவு எதிர்பார்த்து இருப்பவர்களுக்கு இன்றைய நாளில் கிடைக்கப்பெறும். குடும்ப ஒற்றுமை நன்றாக இருக்கும்.

கணவன் மனைவி ஒற்றுமை அன்னியோன்னியமாக இருக்கும். காதல் வலையில் விழுந்து இருப்பவர்களுக்கு சந்தோசமான பல நிகழ்வுகள் உண்டு. சொந்தத் தொழில் செய்பவர்கள் ஏற்றம் காண்பார்கள். மாணவர்களின் கல்வி நிலை மேம்படும்.

துலாம் ராசி:

துலாம் ராசி நண்பர்களுக்கு இன்றைய நாள் மிகச் சிறந்த நாளாகும். கணவன் மனைவி ஒற்றுமை நன்றாக இருக்கும். குடும்பத்தில் அமைதி தவழும். மூத்தவர்களுடன் சுமுகமான உறவு நிலை நீடிக்கும்.

நீண்ட நாட்களாக எதிர்பார்த்திருந்த காரியங்கள் கைகூடி வரும். சொந்த தொழில் செய்பவர்களுக்கு சிறிய அளவில் பற்றாக்குறை இருந்து வந்தாலும், அவைகளில் வெற்றி காண்பீர்கள். உத்தியோகத்தில் இருப்பவர்களுக்கு உத்தியோக உயர்வு ஊதிய உயர்வு போன்றவற்றிற்கான அடிப்படையான நாள் இன்றைய நாள் ஆகும்.

திருமணம் போன்ற சுபகாரிய முயற்சிகளில் வெற்றி அடைவதாக இருக்கும். வெளிநாடுகளில் வசிப்பவர்களுக்கு பிரயாணங்கள் ஏற்பட வாய்ப்பு உண்டு. இவற்றால் நன்மையும் உண்டாகும். குழந்தைகளால் மகிழ்ச்சி கிடைக்கும். மாணவர்களின் கல்வி நிலை சிறப்பாக இருக்கும்.

விருச்சக ராசி:

விருச்சக ராசி நண்பர்களுக்கு இன்று சந்திராஷ்டமம் இருப்பதால் வீண் அலைச்சல்களை குறைத்துக் கொள்ளவும். இருப்பினும் எட்டாமிடத்தில் சந்திரன் உச்சம் பெற்று இருப்பதால் முன்னேற்றமான பல செயல்கள் உண்டு.

உத்தியோகத்தில் இருப்பவர்களுக்கு உங்கள் கடின முயற்சிக்கு வெற்றி கிடைக்கும். சொந்தத் தொழில் செய்பவர்களுக்கு சற்று பற்றாக்குறை இருந்து வரும். இருப்பினும், வெற்றிகரமாக இவர்களை சமாளித்து முன்னேறுவீர்கள். கணவன் மனைவி உறவு சிறுசிறு பிரச்சினைகள் ஏற்பட்டாலும் குடும்பத்தில் அமைதி தவழும்.

குடும்பத்தில் உள்ள மூத்தவர்களுடன் சற்று கருத்து வேறுபாடுகள் ஏற்பட வாய்ப்பு உள்ளது. பேச்சில் நிதானம் தேவை. பொறுமையைக் கைக் கொள்ளவும். புதிய தொழில் முயற்சிகள் மற்றும் ஒப்பந்தங்களில் கையெழுத்திடுவர் போன்றவற்றை சற்று தள்ளி வைப்பது நல்லது.

தனுசு ராசி:

தனுசு ராசி நண்பர்களுக்கு இன்றைய நாள் மிகச் சிறந்ததொரு நாளாகும். உத்தியோகத்தில் இருப்பவர்களுக்கு நிர்வாகத்தின் நல்ல பெயரை பெற்றுக்கொடுக்கும். சொந்த தொழில் செய்பவர்களுக்கு அலைச்சல் அதிகமாக இருக்கும்.

மாணவர்கள் கல்வியில் சற்று கூடுதல் கவனம் செலுத்த வேண்டும். உயர்கல்விக்காக பிரயாணத்தை எதிர்நோக்கி இருப்பவர்களுக்கு சற்று காலதாமதமாக வாய்ப்பு உண்டு. சொத்துக்கள் வாங்குவது மற்றும் விற்பது தொடர்பான செயல்களில் ஈடுபட்டு உள்ளவர்களுக்கு சிறிய அளவில் காலதாமதம் ஏற்பட வாய்ப்புண்டு என்பதால் நிதானமாக இருக்கவும்.

அரசு தொடர்பான காரியங்கள் என்று முடிய வாய்ப்பு உள்ளது. கலைத் துறையிலும், பத்திரிகைத் துறையில் உள்ளவர்களுக்கு ஏற்ற மிகுந்த நாள் ஆகும். தன வரவு உண்டாகும்.

மகர ராசி:

மகர ராசி நண்பர்களுக்கு இன்றைய நாள் இனிய நாளாக இருக்கும். பூர்வீக சொத்து சம்பந்தப்பட்ட பிரச்சனைகளில் ஈடுபட்டிருப்பவர்களுக்கு வெற்றி உண்டாகும்.

திருமணம் போன்ற சுபகாரிய முயற்சிகள் வெற்றியடையும். உடல் நலம் நன்றாக இருந்து வரும். கணவன் மனைவி உறவு நிலை அன்னியோனியமாக இருக்கும். சமுதாயத்திலும், குடும்பத்திலும் உங்கள் பேச்சிற்கு மரியாதை உண்டாகும். மாணவர்களின் கல்விநிலை நன்றாக இருக்கும்.

சொத்துக்கள் வாங்குவது மற்றும் விற்பது தொடர்பான செயல்களில் ஈடுபட்டு உள்ளவர்களுக்கு வெற்றி உண்டாகும் நல்ல நாள் ஆகும். திடீர் பயணங்கள் ஏற்பட வாய்ப்புண்டு என்பதால் நண்பர்கள் மற்றும் உறவினர்களின் உதவி தேவைப்படலாம்.

கும்ப ராசி:

கும்ப ராசி நேயர்களுக்கு இன்றைய நாள் மிகச் சிறந்த நாளாகும். வாகன வகையில் ஆதாயம் உண்டாகும். விவசாயம் தொடர்பான சிந்தனைகள் மனதை ஆட்கொள்ளும்.

சொந்த தொழில் செய்பவர்களுக்கு சிறிதளவு பற்றாக்குறை இருந்தாலும், வெற்றிகரமாக எதிர்கொள்வீர்கள். பெண்களுக்கு இனிய நாள் ஆகும். குடும்பத்தில் அமைதி தவழும். கணவன் மனைவி ஒற்றுமை நன்றாக இருக்கும். வயதானவர்களுக்கு சற்று உடல்நிலையில் தொல்லைகள் கொடுத்து சரி செய்யக்கூடிய நாளாகும்.

குடும்பத்தில் உள்ளவர்களுடன் ஒற்றுமை நன்றாக இருக்கும். நீண்ட நாட்களாக தாமதப்படுத்தப்பட்டு வந்த பல காரியங்கள் வெற்றிகரமாக முடியும். மாணவர்களின் கல்வி நன்றாக இருக்கும். கல்விச் செலவுகள் சற்று கூடுதல், ஆனாலும் மன மகிழ்ச்சி உண்டாகும்.

மீன ராசி:

மீன ராசி நண்பர்களுக்கு இனிமையான நிகழ்வுகளை கொடுக்கக்கூடிய நல்ல நாள் ஆகும். பெண்களுக்கு ஒரு மிகச் சிறந்த நாளாகும். கணவன் மனைவி ஒற்றுமை நன்றாக இருக்கும். திருமணம் போன்ற சுபகாரிய முயற்சிகள் வெற்றியடையும்.

வீட்டிற்கு தேவையான புதிய சாதனங்கள் வாங்குவீர்கள். ஒரு சிலருக்கு மொபைல் போன் கம்ப்யூட்டர் போன்றவை வாங்க வாய்ப்பு உள்ளது. மீடியா பத்திரிக்கை துறை போன்றவற்றில் உள்ளவர்களுக்கு முன்னேற்றமான நாள் ஆகும். ஆடை, ஆபரணச் சேர்க்கை உண்டாகும். குடும்பத்தில் உள்ள மூத்த ஒருவருடன் ஒற்றுமை நன்றாக இருக்கும்.

பூர்வீக சொத்து சம்பந்தப்பட்ட காரியங்கள் வெற்றியில் முடியும். சொத்துக்கள் வாங்குவது விற்பது தொடர்பான செயல்களில் ஈடுபட்டு உள்ளவர்களுக்கு வெற்றி உண்டாகும். மாணவர்களின் கல்விநிலை நன்றாக இருந்து வரும். கல்விச் செலவுகள் கூடுதலாக வாய்ப்பு உண்டு.

Related Tags :

Preethi

செய்தி தொகுப்பாளர்

Preethi has 289 posts and counting. See all posts by Preethi

உங்கள் கருத்துக்களை தெரிவிக்கலாமே