பிரபல விவோ போனின் மீது விலைக்குறைப்பு; பழைய விலைக்கே வந்தது!

விவோ நிறுவனம் இந்தியாவில் அதன் விவோ எஸ்1 ப்ரோ ஸ்மார்ட்போனின் விலையை குறைந்துள்ளதாக அறிவித்துள்ளது. தற்போது இந்த மாடல் ரூ.1,000 என்கிற விலைக்குறைப்பை பெற்று ரூ.19,990 க்கு வாங்க கிடைக்கிறது.
கடந்த ஏப்ரல் மாதத்தில் நடைமுறைக்கு வைத்த ஜிஎஸ்டி திருத்தத்தின் காரணமாக விவோ எஸ்1 ப்ரோ மற்றும் விவிவோவின் சில மாடல்கள் விலை அதிகரிப்பை பெற்றன, அதற்கு பிறகே இந்த புதிய விலை குறைப்பு வருகிறது என்பதும் குறிப்பிடத்தக்கது.
விவோ எஸ் 1 ப்ரோ ஸ்மார்ட்போன் ஆனது ஜனவரி மாதம் வைர வடிவிலானகுவாட் ரியர் கேமரா அமைப்பு வாட்டர் டிராப்-ஸ்டைல் டிஸ்ப்ளே நாட்ச், இன் டிஸ்ப்ளே கைரேகை சென்சார் போன்ற பிரதான அம்சங்களுடன் அறிமுகமானது.

விவோ எஸ் 1 ப்ரோ ஸ்மார்ட்போன் மூன்று தனித்துவமான வண்ண விருப்பங்களில் வாங்க கிடைக்கிறது. மேலும் இது போக்கோ எக்ஸ் 2, ரியல்மி எக்ஸ் 3 மற்றும் ஒப்போ எஃப் 15 போன்றவற்றுக்கு எதிராக போட்டியிடுகிறது.

இந்தியாவில் விவோ எஸ் 1 ப்ரோ ஸ்மார்ட்போனின் விலை:

முன்னதாக ரூ.20,990 க்கு விற்பனையான விவோ எஸ் 1 ப்ரோ இப்போது ரூ.19,990 க்கு வாங்க கிடைக்கிறது. இந்த சமீபத்திய விலை வீழ்ச்சி விவோ எஸ் 1 ப்ரோவை அதன் அசல் வெளியீட்டு விலைக்குக் கொண்டு வந்துள்ளது என்பதைக் கவனத்தில் கொள்ள வேண்டும்.
இந்த ஸ்மார்ட்போன் மிஸ்டிக் பிளாக், ஜேஸி ப்ளூ மற்றும் ட்ரீமி வைட் போன்ற வண்ண விருப்பங்கள் கீழ் விவோ ஸ்டோர், அமேசான் மற்றும் பிளிப்கார்ட் வழியாக வாங்க கிடைக்கும்.

விவோ எஸ் 1 ப்ரோ ஸ்மார்ட்போனின் அம்சங்கள்:

அம்சங்களை பொறுத்தவரை, விவோ எஸ்1 ப்ரோ ஆனது 6.38 இன்ச் ஃபுல் எச்டி+ (1080×2340 பிக்சல்கள்) சூப்பர் அமோலேட் டிஸ்ப்ளேவை, 19.5: 9 என்கிற திரை விகிதத்துடன் கொண்டுள்ளது. இந்த ஸ்மார்ட்போன் க்வால்காம் ஸ்னாப்டிராகன் 665 ப்ராசஸர் உடனாக 8 ஜிபி ரேம் மற்றும் 128 ஜிபி அளவிலான உள்ளடக்க சேமிப்பகத்தை கொண்டுள்ளது. இது ஆண்ட்ராய்டு 9.0 பை அடிப்படையிலான நிறுவனத்தின் சொந்த ஃபன் டச் ஓஎஸ் 9.2 கொண்டு இயங்குகிறது.

கேமராத்துறையை பொறுத்தவரை இது ஒரு க்வாட்-கேமரா அமைப்பை பெற்றுள்ளது. அதில் 48 மெகாபிக்சல் முதன்மை சென்சார் (எஃப் / 1.8) + 8 மெகாபிக்சல் இரண்டாம் நிலை சென்சார் (எஃப் / 2.2) + 2 மெகாபிக்சல் மேக்ரோ + 2 எம்பி பொக்கே விளைவுகளுக்கான சென்சார் ஆகியவைகள் உள்ளது.
முன்பக்கத்தில், விவோ எஸ்1 ப்ரோ ஆனது ஒரு 32 மெகாபிக்சல் செல்பீ ( எஃப் / 2.0) கேமராவை கொண்டுள்ளது. இந்த மொத்த அமைப்பும் 4500mAh பேட்டரி மூலம் சக்தியூட்டப்படுகிறது. மேலும் இது 18W டூயல் எஞ்சின் பாஸ்ட் சார்ஜிங் ஆதரவையும் வழங்குகிறது.

இணைப்பு விருப்பங்களை பொறுத்தவரை, இது ப்ளூடூத் 5.0, 4ஜி எல்டிஇ, டூயல் சிம், ஜிபிஎஸ், க்ளோனாஸ், பீடூ மற்றும் யூ.எஸ்.பி டைப்-சி போர்ட் போன்றவைகளை ஆதரிக்கிறது. அளவீட்டில், இந்த ஸ்மார்ட்போன் 159.25 x 75.19 x 8.68 மிமீ மற்றும் 186.7 கிராம் எடையும் கொண்டுள்ளது.