ஒன்பிளஸ் நிறுவனம் வரவிருக்கும் அதன் புதிய டிவி தொடருக்கான விலைகளை டீஸ் செய்துள்ளது, மேலும் ஒன்பிளஸ் 2020 டிவி தொடரின் கீழ் மூன்று டிவி மாடல்கள் அறிமுகமாகும் என்றும் தெரியவந்துள்ளது.
ஒன்பிளஸ் நிறுவனம் பதிவிட்டுள்ள ஒரு ட்வீட்டின்படி , வரவிருக்கும் புதிய டிவி மாடல்களானது ரூ.1X,999 என்று தொடங்கி ரூ.4X,999 வரை நீளும் என்பது வெளிப்படுத்தப்பட்டுள்ளது. தற்போது வரையிலாக, ஒன்பிளஸ் அதன் மூன்று புதிய டிவி மாடல்களுக்கான திரை அளவுகளை வெளியிடவில்லை, மேலும் அம்சங்கள் குறித்த சில விவரங்கள் மட்டுமே எங்களுக்கு கிடைத்துள்ளன.
ஒன்பிளஸ் டிவி மாடல்கள் இந்த வாரம், ஜூலை 2 ஆம் தேதி இந்தியாவில் அறிமுகமாகிறது என்பதும், தற்போது நீட்டிக்கப்பட்ட உத்தரவாத சலுகையுடன் பிரபல இகாமர்ஸ் தளமான அமேசானில் முன்பதிவுகளுக்கு திறந்துவிடப்பட்டுள்ளது என்பதும் குறிப்பிடத்தக்கது.
வரவிருக்கும் ஒன்பிளஸ் 2020 டிவி தொடரின் அடிப்படை மாடலானது ரூ.1X,999 என்கிற விலைக்கும், இதற்கு அடுத்தப்படியாக மாடலானது ரூ.2X,999 என்கிற விலைக்கும் மற்றும் இந்த வரிசையின் கீழ் அறிமுகமாகும் ஹை-எண்ட் மாடலானது ரூ.4X,999 என்கிற விலைக்கும் அறிமுகமாகும்,
முன்னரே குறிப்பிட்டபடி,ஒன்பிளஸ் நிறுவனம் இந்த டிவி மாடல்களுக்கான அளவுகளை பகிர்ந்து கொள்ளவில்லை என்றாலும் கூட, முன்னதாக வெளியான லீக்ஸ் தகவலின்படி, முதல் இரண்டு டிவி மாடல்கள் ஆனது 32 இன்ச் எச்டி டிவி மற்றும் 43 இன்ச் புல் எச்டி டிவியாக இருக்கலாம். இது சார்ந்த தகவல் ப்ளூடூத் எஸ்.ஐ.ஜி இணையதளத்தில் காணப்பட்டன என்பதும் இங்கே குறிப்பிடத்தக்கது.
ரூ.4X,999 மதிப்புள்ள மூன்றாவது மாடல் 55 இன்ச் மாடலாக இருக்கலாம். இது பழைய ஒன்பிளஸ் டிவி க்யூ 1 மற்றும் க்யூ 1 ப்ரோவில் உள்ளதை போன்றே 4 கே டிஸ்ப்ளேவுடன் வரலாம். இருப்பினும், வரவிருக்கும் 2020 ஒன்பிளஸ் டிவி தொடரில் பழைய “விலை உயர்ந்த” டிவிகளில் இருக்கும் சில அம்சங்கள் மற்றும் விவரக்குறிப்புகளில் சில விலக்குகளை நாம் எதிர்பார்க்கலாம்.
ஒன்பிளஸ் டிவி 2020 மாடல்கள்அறிமுகப்படுத்தப்படுவதற்கு சற்று முன்னதாக, வரவிருக்கும் ஸ்மார்ட் டிவிகளில் அதி மெல்லிய வடிவமைப்பு மற்றும் “பலவற்றை” கொண்டிருக்கும் என்று ஒன்பிளஸ் நிறுவனம் தெரிவித்துள்ளது.
ஒன்பிளஸ் தலைமை நிர்வாக அதிகாரியான பீட் லாவ், ஆண்ட்ராய்டு சென்ட்ரலிடம் அளித்த பேட்டியின்படி, வரவிருக்கும் ஒன்பிளஸ் ஸ்மார்ட் டிவி அதி மெல்லிய வடிவமைப்பில் வரும். ஒன்பிளஸ் ஸ்மார்ட் டிவியானது 6.9 மிமீ அல்ட்ரா மெல்லிய உடல் வடிவமைப்பை கொண்டிருக்கும், அதாவது முன்னதாக வெளியான டிடிவிகளை விட மட்டுமின்றி ஒன்பிளஸ் 8 தொடர் ஸ்மார்ட்போன்களை விட மெல்லியதாக இருக்கும் என்று அர்த்தம்.
வரவிருக்கும் ஸ்மார்ட் டிவி ஆழமான பாஸை வழங்கும் என்று லாவ் குறிப்பிட்டுள்ளார். இதன் ஸ்பீக்கர்கள் ஒரு புதுமையான ஒலி ஏற்பாட்டைக் கொண்டிருக்கும் என்றும், ஒன்பிளஸ் 2020 ஸ்மார்ட் டிவிகளில் இரண்டு பெரிய முழு-தூர ஸ்பீக்கர்கள் பொருத்தப்பட்டு இருக்கும் என்றும் அவர் கூறியுள்ளார். மொத்தத்தில் வரவிருக்கும் ஒன்பிளஸ் ஸ்மார்ட் டிவி 50 சதவீதம் ஆழமான பாஸை வழங்கும்.
மேலும் வரவிருக்கும் ஒன்பிளஸ் டிவிக்கள் 95 சதவீத ஸ்க்ரீன் டூ பாடி விகிதத்துடன் வரும் என்று அவர் தெரிவித்தார். ஒன்பிளஸ் க்யூ 1 தொடரில் இருப்பதைப் போலவே, வரவிருக்கும் ஸ்மார்ட் டிவியும் பின்புறத்தில் கார்பன் ஃபைபர் வடிவத்துடன் வரும் என்று லீக்ஸ் தகவல்கள் தெரிவித்தன.
அதை உறுதி செய்யும்படி “புதிய ஒன்பிளஸ் டிவிகளுக்கு தனித்துவமான கார்பன் ஃபைபரை மீண்டும் உருவாக்குவது, சிறிய விவரங்களுக்கு நாம் கொடுக்கும் கவனத்திற்கு ஒரு சிறந்த எடுத்துக்காட்டு, இது பிராண்டிற்கான பிரீமியத்தின் தரத்தை உறுதி செய்கிறது,” என்றும் அவர் கூறியுள்ளார்.
இதற்கிடையில், ஒன்பிளஸ் தனது வரவிருக்கும் தொலைக்காட்சிகளை அமேசான் இந்தியாவில் முன்பதிவு செய்ய பட்டியலிடப்பட்டுள்ளதாக அறிவித்துள்ளது. ஒன்பிளஸ் டிவி மாடல்களை முன்பதிவு செய்யும் வாடிக்கையாளர்களுக்கு அக்கோ பொது காப்பீட்டு நிறுவனத்திடமிருந்து இரண்டு ஆண்டுகளுக்கு நீட்டிக்கப்பட்ட உத்தரவாதம் கிடைக்கும்.
இந்த சலுகைக்கு தகுதி பெற, வாடிக்கையாளர் ஜூலை 2-க்கு முன் ஒன்ப்ளஸ் டிவியை ரூ.1000 செலுத்தி முன்பதிவு செய்ய வேண்டும். இந்த முன்பதிவு சலுகை ஏற்கனவே நேரலையில் உள்ளது மற்றும் ஜூலை 2 வரை தொடரும். அக்கோவின் உத்தரவாதத் திட்டத்தின் உண்மையான மதிப்பு ரூ.2,999 ஆகும், ஆனால் அறிமுக சலுகையுடன், நீங்கள் அதை வெறும் ரூ.1000 க்கு பெறலாம்.
