எடையை வேகமா குறைக்க ஆப்பிள் சிடார் வினிகரும் பேக்கிங் சோடாவும்… எப்படி பயன்படுத்தணும்?

உடல் எடையை குறைக்க ஏராளமான டிப்ஸ்கள் இருந்தாலும் இந்த பேக்கிங் சோடா மற்றும் ஆப்பிள் சிடார் வினிகர் டிப்ஸ்கள் எளிமையானது. இதை நீங்கள் எளிதாக செய்ய முடியும். மேலும் உடல் எடையில் மாற்றத்தையும் காணலாம். இதை எப்படி செய்யலாம் என்று தற்போது பார்ப்போம்.
எடை இழப்பு என்று வந்தாலே ஒன்னு டயட் இல்லைன்னா எடை இழப்பு பானங்கள் தான் நினைவுக்கு வரும். ஆனால் சாப்பிடாமல் செய்யாமல் ரெம்ப கஷ்டப்படாமல் எடை இழப்பை பெற இந்த இரண்டு பொருட்கள் நம் வீட்டில் இருந்தால் போதுமானது. ஆப்பிள் சிடார் வினிகரும், பேக்கிங் சோடாவும் எடை இழப்பில் மிக முக்கியமான பங்கு வகிக்கிறது.
​எடை கூடுவது
உட்கார்ந்த இடத்திலேயே வேலை பார்ப்பது, ஆரோக்கியமற்ற உணவுப் பழக்கம், துரித உணவுகள், உடல் செயல்பாடுகள் குறைந்து காணப்படுவது போன்றவை நம்முடைய உடல் எடையை அதிகரிக்க காரணமாகின்றது. இவைகள் உடலில் தேவையற்ற கொழுப்புக்களை அதிகரித்து உடல் பருமனை ஏற்படுத்தி விடுகிறது.

ஆப்பிள் சிடார் வினிகர் மற்றும் பேக்கிங் சோடா பானம் காரத்தன்மை வாய்ந்த பானம் ஆகும். இது நம் மெட்டா பாலிசத்தை அதிகரிக்க உதவுகிறது. நோயெதிரிப்பு சக்தியை வலுப்படுத்த உதவுகிறது. உங்கள் சருமத்தை மேம்படுத்த உதவுகிறது.

​இந்த பானம் எவ்வாறு செயல்படுகிறது
ஆப்பிள் சிடார் வினிகர் எடை இழப்பை ஊக்குவிப்பதாக பல ஆய்வுகள் தெரிவிக்கின்றன. ஆப்பிள் சிடார் வினிகர் வளர்சிதை மாற்றத்தை அதிகரிப்பதன் மூலமும், பசியை அடக்குவதன் மூலமும், கல்லீரல் மற்றும் வயிற்று கொழுப்பு சேமிப்பைக் குறைப்பதன் மூலமும் எடையை குறைக்க உதவுகிறது. இது இரத்தத்தில் சர்க்கரை அளவை மேம்படுத்த உதவுகிறது. வைரஸ் தொற்றுக்கு எதிராக போராட உதவுகிறது. கொழுப்பின் அளவை குறைக்க உதவுகிறது.

பேக்கிங் சோடாவும் கொழுப்பை வேகமாக எரிப்பதில் பயனுள்ளதாக இருக்கிறது. இது செரிமானத்திற்கு உதவுகிறது. கொழுப்பை உடைக்கிறது. தொப்பையானது கொழுப்பை இழக்க உதவுகிறது.

​எடை இழப்பை தரும் பானம் தயாரிப்பது எப்படி
பேக்கிங் சோடாவுடன் சேர்த்து ஆப்பிள் சிடார் வினிகரை உட்கொள்ளும் போது இரத்த சர்க்கரை அளவை மேம்படுத்த உதவுகிறது. இது கலோரி அளவை குறைக்கிறது. இவை எடையை குறைக்க உதவுகிறது.

இந்த பானத்தை தயாரிப்பது எப்படி

இந்த பானத்தை தயாரிப்பது மிகவும் எளிதானது, நேரம் எடுக்காது

ஒரு கிளாஸில் இரண்டு டீ ஸ்பூன் ஆப்பிள் சிடார் வினிகர் மற்றும் ஒரு டீ ஸ்பூன் பேக்கிங் சோடா சேர்த்து கலந்து கொள்ளுங்கள். அதனுடன் நீர் சேர்த்து குடியுங்கள்.

​முடிவு
ஒவ்வொரு நாளும் இந்த பானத்தை குடிப்பதற்கு முன்பு உங்க மருத்துவரை அணுகுங்கள். குறிப்பாக நீங்கள் நீரிழிவு நோயாளியாக இருந்தால் செரிமான பிரச்சினைகள் அல்லது வேறு ஏதேனும் வயிறு, வாய் அல்லது உணவுக்குழாய் பிரச்சினைகள் இருக்கின்றனவா என்பதை பார்த்த பிறகு இந்த பானத்தை எடுத்துக் கொள்ளுங்கள். இது ஆரோக்கியமாகவும் நிலையானதாகவும் உடல் எடையை குறைக்கவும் உதவும். இதனுடன் சேர்ந்து ஆரோக்கியமான உடற்பயிற்சி மற்றும் உணவை எடுத்துக் கொள்ளுங்கள். உங்க எடையில் வியத்தகு மாற்றங்களை நீங்கள் பெற முடியும்.

உங்கள் கருத்துக்களை தெரிவிக்கலாமே